Showing posts with label سلێمانی. Show all posts
Showing posts with label سلێمانی. Show all posts

Monday, June 22, 2015

پشووی هاوین لە سەرەگرتندا بووم

ئەو ڕۆژانەی نیوەڕوان بووینانە لە قوتابخانە، باوکم سەرەی نانەواخانەی دادەنا، تاکوو پێشنیوەڕۆ بچم نانی گەرم بهێنمەوە ماڵێ، زۆرکات چوونم بۆ نانەواخانە لەبەر کۆبوونەوەم بوو لەگەڵ هاوڕێکانما، خۆ ئەوانیش وەکو من لە سەرەدا بوون.

Wednesday, March 23, 2011

پەندی پیرەمێرد


پێشکەش بەوانەی لە بەردەرکی سەرا داوای مافی میللەت دەکەن!

لە پەندەکانی پیرەمێرد
 ئەوانەی کەوا کاریان بە دەستە
هاتن لە ڕەئیا بوون بە دوو دەستە
ئەگەر هەردوولا بۆ خەڵک خێرخوا بن
هیواداری ڕاست بە خێری خوا بن
بە حوسنی نییەت کار ئەبەنە سەر
درەختی ئەمەل بۆیان دێتە بەر
فەرموودەی نەبی بۆمان حوجەتە
کە ئیختیلافی ئوممەت زەحمەتە
بەڵام غەرەضی شەخصی کەوتە ناو
ڕەحمەت، زەحمەتە، دراومان دۆڕاو
من لاوی وام دی کە شەشی ئەیلوول
بەردەرکی سەرای کرد بە گەردەلوول
مەترەلۆزی بە خەنجەر شکاند
ئازاییەکی شێرانەی نواند
ئەو کەسەی خۆیان بۆدا بە مردن
ئەو بە دەستی خۆی کەلەپچەی کردن
شینم بە شیعری ئەکرد ئەوسایە
ئیستەیش گریانم وا لە قوڕگایە
کورد نابڕێتەوە خەیاڵی خاوە
بەراتی نەجات بە خوێن نوسراوە
من بۆیە ڕەنگی سوورم خۆش ئەوێ
مژدەی شەفەقی لێ دەست دەکەوێ

ڕۆژنامەی ژین ژ. ٩٠٧ - ٢٦ی شوباتی ١٩٤٨ - پیرەمێرد