فۆڕماتی کۆمپیوتەر

٭فۆڕمات

تازه‌ كۆمپیوته‌رم كڕیبوو، ته‌نها ئه‌وه‌ شاره‌زابووم كه‌ كاری پێبكه‌م و خۆم به‌یارییه‌كانی ناو ویندۆز خه‌ریك بكه‌م. هه‌ر كه‌س بهاتایه‌ بۆ ماڵمان و شاره‌زایی هه‌بوایه‌

سەگ

له‌ ئه‌ڵمانیا ژماره‌ی سه‌گ له‌ ژماره‌ی منداڵ زیاتره‌!
 نه‌ك ته‌نها له‌به‌رئه‌وه‌ی كه‌ ئاره‌زووی خۆبه‌ستنه‌وه‌ به‌منداڵ و خێزان ناكه‌ن، به‌ڵكو له‌به‌رئه‌وه‌یشه‌ كه‌ سه‌گ وه‌ك گیاندارێك ته‌ماشا ناكه‌ن!، سه‌گ له‌لایان وه‌كو هاوڕێیه‌ك وایه‌.

ئه‌م ڕووداوه‌ی خواره‌وه‌م له‌ ڕاپۆرتێكی ته‌له‌فیزیۆنیدا بینی:

دادگا: له‌ خاوه‌نی سه‌گێك تووڕه‌بوون و، سزایان به‌سه‌ریدا سه‌پاند، چونكه‌ سه‌گه‌كه‌ی په‌لاماری منداڵێكی داوه‌ له‌ باخچه‌یه‌كدا. منداڵی بێتاوان به‌سه‌ختی بریندار بووه‌ و له‌ ژێر ئازار و ترسدا له‌ خه‌سته‌خانه‌ خه‌وتووه‌ ...

خاوه‌ن سه‌گ: بۆ سزای من ئه‌ده‌ن، سه‌ره‌ڕای كوشتنی سه‌گه‌كه‌م، من تاوانبارم؟ نه‌خێر، دایكی منداڵه‌كه‌ ئاگای له‌ منداڵی خۆی نییه‌وه‌ له‌ باخچه‌كه‌دا به‌ ته‌نها جێی ده‌هێڵێت یاری بكا ...

پۆلیس: ئێمه‌ كه‌ نزیك بووینه‌وه‌ له‌ باخچه‌كه‌ بینیمان سه‌گه‌كه‌ قه‌پاڵی گرتووه‌ له‌ شانی منداڵه‌ پێنج ساڵانه‌كه‌ و، ته‌نها ئه‌وه‌مان پێكرا كه‌ جیای بكه‌ینه‌وه‌ و به‌ فیشه‌كێك بیكوژین، چونكه‌ دڕ بوو.

دایكی منداڵ: وه‌ڵا هێشتا باقی ده‌وێت، سه‌گێكی هاری به‌ڕه‌ڵا كردووه‌ ئینجا به‌من ده‌ڵێت ئاگات له‌ منداڵه‌كه‌ت نییه‌. منداڵه‌كه‌م پێنج ساڵانه‌ له‌ باخچه‌ی به‌رماڵمان پاسكیلی لێخوڕیوه‌ كه‌ سه‌گه‌كه‌ی تۆ په‌لاماری داوه‌، دڕنده‌ ...

زمانی ڕۆژنامە

ڕۆژنامه‌ خۆراكی مێشكه‌

له‌ یه‌كێك له‌ قۆناغه‌كانی خوێندندا، شێواز و مه‌رجه‌كانی بڵاوكراوه‌كانمان خوێند. یه‌كێك له‌وانه‌ ڕۆژنامه‌ بوو.

یه‌كه‌م مه‌رجی نووسینه‌كانی ناو ڕۆژنامه‌، ئه‌وه‌بوو كه‌ ده‌ربڕینه‌كان ساده‌ و ئاسان بن بۆ تێگه‌یشتن، ڕسته‌كان به‌ وشه‌ی پاراو بنیات بنرێن تاكوو خزمه‌تی زۆرترین كه‌س بكات له‌ كاتی خوێندنه‌وه‌دا، هه‌وڵ بدرێت ئه‌و ده‌ربڕینانه‌ به‌كارببرێت كه‌ له‌سه‌ر زاری خه‌ڵكییه‌. ئه‌مڕۆكه‌ ڕۆژنامه‌ كوردییه‌كان به‌گشتی ئه‌و سیفه‌ته‌یان له‌ ده‌ستداوه‌.

ڕۆژنامه‌‌‌ ڕۆژانه‌ ده‌كه‌وێته‌ به‌رده‌ست هه‌موو تاكه‌كانی كۆمه‌ڵ بێجیاوازی، واته‌ بڵاوكراوه‌یه‌كی گشتییه‌ (وه‌ك گۆڤارێكی زانستی نییه‌ كه‌ تایبه‌تمه‌ند كراوه‌ بۆ توێژێك له‌ خوێنه‌ران). هه‌ندێك به‌زمانحاڵی ڕۆژگاری ناوده‌به‌ن چونكه‌ زۆرینه‌ی بابه‌ت و بڵاوكراوه‌كانی ناوی، باس له‌ هه‌واڵه‌ زیندووه‌كانی ڕۆژ، و ژیانی هاوڵاتیان ده‌كات. هاوكات زۆر له‌ لێكۆڵینه‌وه‌ و به‌دواداچوون و ئاگادارییه‌كانیشی هه‌ر تایبه‌ت ده‌كرێت به‌ كاروباری هاوڵاتیانی ئه‌و ده‌ڤه‌ره‌ی كه‌ ڕۆژنامه‌كه‌ی تیا بڵاوده‌بێته‌وه‌.

بیردۆزی ڕێژەیی

ڕێژه‌یی

ڕۆژێك له‌ بۆنه‌یه‌كی گشتیدا زانای به‌ناوبانگ "ئه‌لبه‌رت ئاینیشتاین" ئاماده‌ ده‌بێت، ژنێك لێی نزیك ده‌كه‌وێته‌وه‌ و داوای لێ ده‌كات باسی بیردۆزی ڕێژه‌یی بۆ بكات.. ئه‌ویش ئه‌م به‌سه‌رهاته‌ی بۆ باس ده‌كات:

ڕۆژێك له‌گه‌ڵ كابرایه‌كی نابینا دا گفتوگۆم ده‌كرد، بۆم باس كرد كه‌ من حه‌زم له‌ خواردنه‌وه‌ی شیره‌.

پرسی: شیر چییه‌؟

وتم: شله‌یه‌كی ڕه‌نگ سپییه‌.

وتی: ده‌زانم شله‌ چییه‌، به‌ڵام ڕه‌نگی سپی چییه‌؟

وتم: وه‌كوو په‌ڕی قاز

وتی: په‌ڕ ده‌زانم مانای چییه‌، به‌ڵام پێم بڵێ قاز چییه‌؟

وتم: باڵنده‌یه‌كی مل كه‌وانه‌ییه‌

وتی: باڵنده‌ ده‌زانم چییه‌، به‌ڵام پێم ناڵێی كه‌وانه‌ چییه‌؟

هه‌ستام ده‌ستیم گرت و چه‌مانمه‌وه‌، وتم: كه‌وان ئه‌و شێوه‌یه‌یه‌..

وتی: ئێ ئێ ئێستا ده‌زانم شیر جییه‌..

ئینجا ئاینشتاین به‌ خانمه‌كه‌ی وت، ئازیز خواستت له‌سه‌ری ماوه‌ بۆت باس بكه‌م بیردۆزی ڕێژه‌یی چییه‌؟

وەڵامی بەجێ

پرسیار و وه‌ڵام

تاقی كردنه‌وه‌ی كۆتایی ساڵ نزیك بۆته‌وه‌، به‌و بۆنه‌یه‌وه‌ هیوای سه‌ركه‌وتن بۆ هه‌موو خوێندكارێك ده‌خوازم، به‌تایبه‌ت ئه‌وانه‌ی كۆشش ده‌كه‌ن.

ده‌ڵێن په‌له‌ مه‌كه‌ن له‌ وه‌ڵامدانه‌وه‌ی پرسیار، ڕاسته‌ تێگه‌یشتنی پرسیار نیوه‌ی وه‌ڵامه‌ به‌ڵام نیوه‌كه‌ی تری له‌ زانیندایه‌.. بۆ نموونه‌ ته‌ماشای ئه‌م پرسیارانه‌ بكه‌!

پرسیار: جه‌نگی سه‌د ساڵه‌ چه‌ند ساڵی خایاند؟

١١٦ ٩٩ ١٠٠ ١٥٠

پرسیار: كڵاوی په‌نه‌مایی له‌ كوێ دروست ده‌كرێت؟

به‌ڕازیل چیلیی په‌نه‌ما ئه‌كوادۆر

به‌دبه‌ختی

به‌دبه‌ختی چییە؟

 ئه‌كرێ بڵێین كه‌ به‌دبه‌ختیی گرێیه‌كی ده‌روونی ئاڵۆسكاو و شیته‌‌ڵ نه‌كراوه‌ له‌مێشكدا، ده‌بینین زۆركات به‌دبه‌خت ئه‌و كه‌سانه‌ن كه‌ له‌خه‌یاڵپڵاو و چاوه‌ڕوانیی ئاكامی كاره‌كانیاندا بۆ سه‌رنه‌كه‌وتن و كه‌وتن ده‌ڕوانن.. سه‌رنج ئه‌ده‌ین به‌ڕواڵه‌ت زۆر سوورن له‌سه‌ر سه‌ركه‌وتن و گه‌یشتن به‌ئامانج و به‌و نیازه‌ش ڕێ ده‌گرن، به‌ڵام له‌ناخیاندا چاوه‌ڕێی كه‌وتن و دۆڕانن.. كه‌واته‌ وه‌ك ئه‌و كه‌سانه‌ن كه‌له‌سه‌ر په‌تێك هه‌نگاو ئه‌نێن و هه‌میشه‌ ترس له‌دڵن و چاوه‌ڕێی كه‌وتنه‌خواره‌وه‌ ده‌كه‌ن.