Thursday, May 04, 2006

وەڵامی بەجێ

پرسیار و وه‌ڵام
تاقی كردنه‌وه‌ی كۆتایی ساڵ نزیك بۆته‌وه‌، به‌و بۆنه‌یه‌وه‌ هیوای سه‌ركه‌وتن بۆ هه‌موو خوێندكارێك ده‌خوازم، به‌تایبه‌ت ئه‌وانه‌ی كۆشش ده‌كه‌ن.
ده‌ڵێن په‌له‌ مه‌كه‌ن له‌ وه‌ڵامدانه‌وه‌ی پرسیار، ڕاسته‌ تێگه‌یشتنی پرسیار نیوه‌ی وه‌ڵامه‌ به‌ڵام نیوه‌كه‌ی تری له‌ زانیندایه‌.. بۆ نموونه‌ ته‌ماشای ئه‌م پرسیارانه‌ بكه‌!


پرسیار: جه‌نگی سه‌د ساڵه‌ چه‌ند ساڵی خایاند؟
١١٦ ٩٩ ١٠٠ ١٥٠


پرسیار: كڵاوی په‌نه‌مایی له‌ كوێ دروست ده‌كرێت؟
به‌ڕازیل چیلیی په‌نه‌ما ئه‌كوادۆر



پرسیار: له‌ كام مانگه‌ی ساڵدا ڕووسه‌كان ئاهه‌نگی جه‌نگی ئۆكتۆبه‌ر ده‌گێڕن؟
سێپتێمبه‌ر ئۆكتۆبه‌ر نۆڤه‌مبه‌ر جانوه‌ری

پرسیار: ناوی پادشا جۆرجی شه‌شه‌م چی بوو؟
جۆن جۆرج ئه‌لبیرت مانیول

وه‌ڵامه‌كانت هه‌ڵبژارد؟ كه‌واته‌ به‌راوردی بكه‌ له‌گه‌ڵ وه‌ڵامه‌ ڕاسته‌كاندا



وه‌ڵامی پرسیاره‌كان:جه‌نگی سه‌د ساڵه‌، ١١٦ ساڵی خایاند، له‌ ١٣٣٧ تاكوو ١٤٥٣ به‌رده‌وام بوو.
كڵاوی په‌نه‌مایی له‌ وڵاتی ئه‌كوادۆر به‌رهه‌م ده‌هێنرێت.
ڕووسه‌كان ئاهه‌نگی جه‌نگی ئۆكتۆبه‌ر له‌ مانگی نۆڤه‌مبه‌ردا ده‌گێڕن.
ئه‌لبێرت ناوی ڕاستی پادشا جۆرج بوو.
Post a Comment