Showing posts with label
پیرەمێرد
.
Show all posts
Showing posts with label
پیرەمێرد
.
Show all posts
Thursday, May 11, 2023
لە پەندەکانی پیرەمێرد - لەسەر قین
١٥ی ئەیلولی ١٩٤٩ز
خووێکی بەدە بۆ فەڕومایە
شەڕ بە کۆنەقین دێننەوە کایە
زیاتر بخوێنەرەوە
Tuesday, February 09, 2016
لە پەندەکانی پیرەمێرد
٢٩
ی تەمموزی ١٩٤٨
حاجی تۆفیق ناسراو
بە پیرەمێردی شاعیر
و کوردپەروەر
چاکەو خراپەیش ئەندازەی هەیە
کەم کەس ئەزانێ حەدی تا کەیە
ئەندازەی چاکەیش کە هات تێ پەڕی
نابەکارت بێ ئەیــداتـە بـــــەری
بەخۆوە نەدیو، سورمەی لەبەرکەی
ئەبێ زۆر پیاوی کاردیدە دەرکەی
زیاتر بخوێنەرەوە
Friday, September 25, 2015
لە پەندەکانی پیرەمێرد
٧ی ئابی ١٩٤٧ز
هەر بارگیرێکی بە (سەرسم) فێربێ
پێی ئەڵێن یاخوا ناڵبەندت کوێر بێ
تەربیە لەسەر دایک و باوک فەرزە
کــە تەربیەی بـوو کـردەوەی بەرزە
زیاتر بخوێنەرەوە
Thursday, July 23, 2015
لە پەندەکانی پیرەمێرد
١٣ی کانوونی دووەمی ساڵی ١٩٤٩
ساڵانی پێشوو بەختمان یار بوو
حەکیمەکانمان نەخوێندەوار بوو
نەمان بیـستبوو ئەم هـەمـوو دەردە
نە ئەچووە سکمان دەرمان بە فەردە
ترس و واهیمە، نەبوو لە ناوا
عیللەتمان بە ئاو ئەدا بە ئاوا
زیاتر بخوێنەرەوە
Sunday, January 20, 2013
لە پەندەکانی پیرەمێرد
٢٦ی ئاب - ١٩٤٨
کارشوناس گەڕا لە شوێنی دانا
لە شوێنی نەزان هات دانای دانا
ئەو دەمەی پیاویان لە دار ئەتاشی
ئیشیان نە ئەدا بە کەسی ناشی
دارتاشێ لەناو کاروانێکا بوو
بۆ سنعەتی خۆی بۆ لادێ ئەچوو
جەردە هات لە ڕێ کاروانی ڕوت کرد
لە خوا نەترسێ تەشوێی ئەوی برد
زیاتر بخوێنەرەوە
Wednesday, March 23, 2011
پەندی پیرەمێرد
پێشکەش بەوانەی لە بەردەرکی سەرا داوای مافی میللەت دەکەن!
لە پەندەکانی پیرەمێرد
ئەوانەی کەوا کاریان بە دەستە
هاتن لە ڕەئیا بوون بە دوو دەستە
ئەگەر هەردوولا بۆ خەڵک خێرخوا بن
هیواداری ڕاست بە خێری خوا بن
بە حوسنی نییەت کار ئەبەنە سەر
درەختی ئەمەل بۆیان دێتە بەر
فەرموودەی نەبی بۆمان حوجەتە
کە ئیختیلافی ئوممەت زەحمەتە
بەڵام غەرەضی شەخصی کەوتە ناو
ڕەحمەت، زەحمەتە، دراومان دۆڕاو
من لاوی وام دی کە شەشی ئەیلوول
بەردەرکی سەرای کرد بە گەردەلوول
مەترەلۆزی بە خەنجەر شکاند
ئازاییەکی شێرانەی نواند
ئەو کەسەی خۆیان بۆدا بە مردن
ئەو بە دەستی خۆی کەلەپچەی کردن
شینم بە شیعری ئەکرد ئەوسایە
ئیستەیش گریانم وا لە قوڕگایە
کورد نابڕێتەوە خەیاڵی خاوە
بەراتی نەجات بە خوێن نوسراوە
من بۆیە ڕەنگی سوورم خۆش ئەوێ
مژدەی شەفەقی لێ دەست دەکەوێ
ڕۆژنامەی ژین ژ. ٩٠٧ - ٢٦ی شوباتی ١٩٤٨
-
پیرەمێرد
Sunday, March 20, 2011
نەورۆز
نەورۆزتان پیرۆز
ساڵی نوێی کوردی ٢٧١١ لە هەموو کوردێک پیرۆز بێت!
ئەم ڕۆژی ساڵی تازەیە نەورۆز ھاتەوە
جەژنێکی کۆنی کوردە بە خۆشی و بە ھاتەوە
چەند ساڵ گوڵی ھیوای ئێمە پێپەست بوو تاکو پار
ھەر خوێنی لاوەکان بوو گوڵی ئاڵی نەوبەھار
ئەو ڕەنگە سوورە بوو کە لە ئاسۆی بڵندی کورد
مژدەی بەیانی بۆ گەلی دوور و نزیک ئەبرد
نەورۆز بوو ئاگرێکی وەھای خستە جەرگەوە
لاوان بە عەشق ئەچوون بە بەرەو پیری مەرگەوە
ئەوا ڕۆژھەڵات، لە بەندەنی بەرزی وڵاتەوە
خوێنی شەھیدە ڕەنگی شەفەق شەوق ئەداتەوە
تا ئێستە ڕووی نەداوە لە تاریخی میللەتا
قەڵغانی گولـلە سنگی کچان بێ لە ھەڵمەتا
پێی ناوێ بۆ شەھیدی وەتەن شیوەن و گرین
نامرن ئەوانە وا لە دڵی میللەتا ئەژین
پیرەمێرد - ئازاری ١٩٤٨
وێنە لە لایەن
ئارا قادر
Older Posts
Home
Subscribe to:
Posts ( Atom )