عەریزەی ئەلیکترۆنی

هەر پرۆژەیەک ناوی ئەلیکترۆنیکردن و دیجیتاڵکردنی پێوە بێ، بۆمن دڵخۆشکەرە. گەندەڵی تیا بکرێ یان کەموکورتی زۆربێ ئەوە شتێکە نابێ فەرامۆش بکرێ و بۆ هەنگاوی داهاتوو پێویستە پەندی لێ وەربگیرێت.

تۆببەکردن (ڕەمەزان - ١)

تۆببەکردن

دان پێدانان بە هەڵە و پاشگەزبوونەوە لێی، ڕەوشتێکی باشە، هەمیشە خوای بەخشندە بەوەرگرتنی پشتیوانی لێ دەکات [١][٢]، بەندەی خوا پەرستیش یەکەم کاری لە ڕەمەزاندا ئەوەیە کە ڕوو بکاتەوە خوا و داوای لێخۆشبوون بکات، ئەگەر هەڵەی کردوە پاشگەزبێتەوە و تۆبە بکات، بەو شێوەیە دەتوانیت ئاسوودە بیت لە ڕەمەزان و لە ئەرکی ڕۆژووگرنتدا بەردەوام بیت. بڕوا کاتێک بێگەردانە جێگیر دەبێ کە دڵ و دەروونی بڕوادار خەوشی لەسەر نەبێ[٣].

ڕاپەڕین

نەنە گیان دەزانیت دوای ڕاپەڕینەکە و ئازادبوونی کوردستان باوکی تۆڵە و فریا گەڕانەوە ماڵێ، ئێستا ئەوانیش وەکو من لەگەڵ باوک و دایکیاندا دەژین.

ئاگری نەورۆز

نەنەگیان، دەزانیت لە نەورۆزی ئەمساڵدا ئاگرێکی زۆر گەورەمان کردوە!

ئاگرەکە ئەوەندە گەورە و بەرز بوو لەسەر شاخە دوورەکانەوە خەڵک بینی بووی، من ئەمەم لە خەودا بینی.

خراپترین

حەکیمێک وتویوتی: خراپترین بەندەی خوا کەسانێکن، کە لە کاتی گرژبوونیاندا دانی خێرت پیا ناهێنن، چاکە و پیاوەتیەکانت لە بیر دەکەن، نهێنیت لایان بێ دەیدرکێنن، تانەوتوانج لە کەسوکار و ڕەچەڵەکت ئەدەن، درۆت بە دەمەوە دەکات و بوختانیشت بۆ هەڵدەبەستێت و دەڵێن لە خراپە زیاتر چاکەمان لێ نەدیوی!.

بەهرەمەند

کاتی هەڵبژاردن، گەڕەکی ئێمە لە هەموو ناوچەکانی تر پەرۆشتربوون بۆ چوونە بەردەم سندوقی دەنگدان، چونکە مامۆستا حەیدەر خۆی پاڵاوتبوو، هەموو بە ئاواتەوەبوون کە سەرکەوێت و ببێتە وەزیر. ئەو بە بلیمەتی لە کارەکانیدا ناسرابوو، لە گەڕەکیشدا هاوکاریی هەموو دراوسێکانی دەکرد.

ئەنفال

سەلماندی کە ڕێکخراوەکانی مافی مرۆڤ، نەتەوە یەکگرتوەکان و هەموو ئەوانەی کە بەناو داکۆکی لە ستەم لێکراوان دەکەن تەنیا بۆ شاردنەوەی شەڕەنگێزی وڵاتە زلهێزەکان و پاراستنی بەرژەوەندیەکانیان دروست کراون.

پەیامی وێنە ٤ - سزای فەیسبووک

گەوجبوون لەناو خەڵکدا پلەی هەیە، گەوج هەیە دەزانێ کە ئەوەی دەیکا و دەیڵێ لە گەوجێتی زیاتر هیچی تر نیە، ئەم هەڵەیە و لەسەر ڕاست نیە، کەچی هەر بەردەوامە و بیر خۆیی دەباتەوە و لەسەر گەوجی خۆی بەردەوامە. ئەم جۆرەیان تۆخترین پلەیە، خوا پەنامان با.

بڕیار لە کاتی خۆیدا

دەفرێک بهێنە، نیوەی پڕ بکە لە ئاوی سارد، بۆقێک بخەرە ناو دەفرەکەوە و بیخە سەر ئاگر.

لەگەڵ گەرمبوونی ئاوەکەدا بۆقەکە هەوڵ ئەدات بەگۆڕینی پلەی گەرمی لەشی ئارام بمێنێتەوە. ئاوەکە هێدی هێدی گەرم دەبێ و بۆقەکەش مت بووە و هیچ ناکا.[١]

ئەنجومەنی ڕیفڕاندۆم

لە ڕشتەی مرواریدا، دەگێڕێتەوە مەلاکان لە مزگەوت دەیانەوێ کۆببنەوە، مجەورەکە دەنێرن بە شوێن وتارخوێنەکەیان بێت بۆ کۆبوونەوە (اجتماع)، مجەور ڕا دەکات، بە پەلە، کە دەگاتە لای مەلای وتارخوێن دەڵێ، خێرا بانگت دەکەن لە مزگەوت بۆ (جیماع)، ئەویش لێی دووپات دەکاتەوە چی، مجەور دەڵێ (جیماع)،

لەگەڵ بەسەرهات و بۆچوونەکانی (عەلی وەردی) دا* - ٥

کەسایەتیی خەڵکی عێراق بە جووتڕەویی دەناسرێت، هەروەکو دەبینین موسوڵمانێکی عێراقی زۆر توندە لەسەر ئەوانەی لە ڕەمەزاندا بەڕۆژوو نین، کەچی عێراقییەکان زۆرترینیان بەڕۆژوو نین،  خوا لێیان خۆش بێ. زۆرینەی خەڵکی عێراق خوویان بە نموونەیی و پەندەوە گرتوە و لە نووسین و وتارەکانیاندا بانگەشەی بۆ دەکەن، کەچی زۆرینەیان لایانداوە لە پەند و نموونەی ڕاستیی[١].

گەلی عێراق

وێنەکە وەرگیراوە، جەژنە پیرۆزەیە
بە بۆنەی کۆتایی مانگی ڕەمەزانەوە
 

دەگێڕنەوە عبدالسلام عارف، لە بەردەم جمال عبدالناصر دەبێ، لە قاهیرە، ئەویش پرسیاری لێ دەکات:
جەمال: قەبارەی شیوعییەکان چەندە لە عێراقدا؟
عەبدولسەلام: هەشت ملیۆن شیوعی

بەڕێوەبەریی قەیران لە هەرێمی کوردستان - بەشی دووەم

23.August 2014

ئاکارەکانی قەیران
کاردانەوە و ڕووبەڕووبوونەوەی هەر قەیرانێک لە دەستنیشانکردنی ئاکارەکانیەوە دەست پێ دەکات. زۆر گرنگە ئەوانەی سەرەوە تەواو دیاری بکرێن، چونکە داڕشتنی هەر جۆرە شیکارێک بە هەڵە ئەگەری کەوتنەوەی قەیرانی تری لێ دەکەوێتەوە.
بە گشتی هەموو قەیرانێک:
 بێ هاوتایە، چونکە شوێن و کات و کاریگەریی جیاوازە
 زۆر (بزۆز dynamic)ە، بەو مانایەی پەیوەست نیە بەهیچ پێوەرێکەوە
 کۆنتڕۆڵکردنی ئاسان نیە
 مەترسیدارە؛

لەگەڵ بەسەرهات و بۆچوونەکانی (عەلی وەردی) دا -٥-

 

مێژوونووسان لەسەر باسکردنی دیوێکی مێژوو ڕاهاتوون، دیوەکەی تریان پشتگوێ خستووە و گرنگیان پێ نەداوە، ئەوان لە دیوی پاشاکان و دەستوپێوەندیانەوە مێژوو دەنووسنەوە و گەلەکانیان لە بیر کردوە.
هەرکەس مێژوو بخوێنێتەوە لەم دیوەوە، دەبینێت کە باس و پیا هەڵدانی ئاوەدانی و تەلاری پاشاکانە، چیان کردوە و بنیاتناوە، بەمە دیوەکەی تر کە گوزەران و ناڵاندنی گەلە بەدەست ئەم پاشایانەوە پشتگوێ خراوە، مێژوونووس خۆی نەداوە لە قەرەیان، وە هەر شۆڕشێکیش لە گەلەوە سەری هەڵدابێت، بە بڵاوکردنەوەی خراپەکاری و نانەوەی ئاژاوە و دووبەرەکی نانەوە لە قەڵەمیان داوە[١].

لەگەڵ بەسەرهات و بۆچوونەکانی (عەلی وەردی) دا -٤-

 

 گومان وەکو نەخۆشی بڵاو وایە، هەر کە شوێنێک گرتی، ئەوا بڵاودەبێتەوە و شوێنەکانی تریش دەیگرن، مرۆڤیش ئەگەر خوویەکی شکاند کە لەسەری ڕاهاتووە، ئەوا دەتوانێت لەوانی تریش لا بدا و بیانشکێنێت. لەمەوە مرۆڤەکان بەرەوە ئازادی هەڵدێن و گومان زۆرتر دەبێت، کە لە ڕوویەکەوە سوودمەند دەبن و لە ڕوویەکی تریشەوە زەرەرە.

توورەکە

لە جەژناندا "یانصیب" هەبوو، دەستت دەکرد بە توورەکەیا ژمارەیەکت دەردەهێنا، بە منداڵی هەموو جارێ دەمکڕی هەر "بۆش" دەهاتە دەرەوە، عاریشم نە دەنا، جەژنی داهاتوو دیسان دەستم ئەکردەوە بە توورەکەکەیا. بەو یادەوە لە تیروپشکی (سەیارەی کیلۆمەتر سفر)دا بەشداریم کرد، هەر نسیب نەبوو. بەخت و ناوچەوانی من وایە، هەتا من بووم بە ڕۆژنامەنووس، پارچە زەوی نەما دابەش بکرێ.

ژووری عەمەلیات

ژووری عەمەلیات
زۆرکات کە ئەو برگەیەم گوێ لێ دەبێت، تەمسیلی هەڵەی دکتۆرم دێتەوە یاد، خۆ ناوەکەش لە بنەڕەتدا بەو مەبەستە کوردێنراوە. ژووری عەمەلیات وەک شاریعی کوردی وایە، ئەمیان کوردی پیا تێپەڕ دەبێت و ئەویان کورد تیا کۆ دەبنەوە بۆ عەمەلیات. لە خەستەخانە یا لە مەقەڕی حیزب و حوکومەتدا، عەمەلیاتەکان ئەوەڵ و ئاخیر هەر جەستەی مرۆڤەکان دەگرێتەوە، بۆ نموونە وەزیری پێشمەرگە ژووری عەمەلیاتی هەیە، لەوێوە فەرمانەکانی ئاراستە دەکات و هەواڵە گەرماوگەرمەکان تاوتوێ دەکا، یا لیژنەی بەدواداچوون ژووری عەمەلیات بۆ ڕێوشوێنی لێکۆڵینەوە دادەنێن و قەراری کۆتایی تیا بەیان دەکا. ژووری عەمەلیاتی دادوەریشمان هەیە، لێپرسینەوە لە خەڵکی بێ پەنا و یاساشکێنی تیا دەکرێ.

پەندی پیرەمێرد

پێشکەش بەوانەی لە بەردەرکی سەرا داوای مافی میللەت دەکەن!

لە پەندەکانی پیرەمێرد

 ئەوانەی کەوا کاریان بە دەستە
هاتن لە ڕەئیا بوون بە دوو دەستە
ئەگەر هەردوولا بۆ خەڵک خێرخوا بن
هیواداری ڕاست بە خێری خوا بن
بە حوسنی نییەت کار ئەبەنە سەر
درەختی ئەمەل بۆیان دێتە بەر
فەرموودەی نەبی بۆمان حوجەتە
کە ئیختیلافی ئوممەت زەحمەتە
بەڵام غەرەضی شەخصی کەوتە ناو
ڕەحمەت، زەحمەتە، دراومان دۆڕاو
من لاوی وام دی کە شەشی ئەیلوول
بەردەرکی سەرای کرد بە گەردەلوول
مەترەلۆزی بە خەنجەر شکاند
ئازاییەکی شێرانەی نواند
ئەو کەسەی خۆیان بۆدا بە مردن
ئەو بە دەستی خۆی کەلەپچەی کردن
شینم بە شیعری ئەکرد ئەوسایە
ئیستەیش گریانم وا لە قوڕگایە
کورد نابڕێتەوە خەیاڵی خاوە
بەراتی نەجات بە خوێن نوسراوە
من بۆیە ڕەنگی سوورم خۆش ئەوێ
مژدەی شەفەقی لێ دەست دەکەوێ

ڕۆژنامەی ژین ژ. ٩٠٧ - ٢٦ی شوباتی ١٩٤٨ - پیرەمێرد

به‌دبه‌ختی

به‌دبه‌ختی چییە؟

 ئه‌كرێ بڵێین كه‌ به‌دبه‌ختیی گرێیه‌كی ده‌روونی ئاڵۆسكاو و شیته‌‌ڵ نه‌كراوه‌ له‌مێشكدا، ده‌بینین زۆركات به‌دبه‌خت ئه‌و كه‌سانه‌ن كه‌ له‌خه‌یاڵپڵاو و چاوه‌ڕوانیی ئاكامی كاره‌كانیاندا بۆ سه‌رنه‌كه‌وتن و كه‌وتن ده‌ڕوانن.. سه‌رنج ئه‌ده‌ین به‌ڕواڵه‌ت زۆر سوورن له‌سه‌ر سه‌ركه‌وتن و گه‌یشتن به‌ئامانج و به‌و نیازه‌ش ڕێ ده‌گرن، به‌ڵام له‌ناخیاندا چاوه‌ڕێی كه‌وتن و دۆڕانن.. كه‌واته‌ وه‌ك ئه‌و كه‌سانه‌ن كه‌له‌سه‌ر په‌تێك هه‌نگاو ئه‌نێن و هه‌میشه‌ ترس له‌دڵن و چاوه‌ڕێی كه‌وتنه‌خواره‌وه‌ ده‌كه‌ن.