لە پەندەکانی پیرەمێرد - لەسەر قین

١٥ی ئەیلولی ١٩٤٩ز

خووێکی بەدە بۆ فەڕومایە

شەڕ بە کۆنەقین دێننەوە کایە

خراپترین

حەکیمێک وتویوتی: خراپترین بەندەی خوا کەسانێکن، کە لە کاتی گرژبوونیاندا دانی خێرت پیا ناهێنن، چاکە و پیاوەتیەکانت لە بیر دەکەن، نهێنیت لایان بێ دەیدرکێنن، تانەوتوانج لە کەسوکار و ڕەچەڵەکت ئەدەن، درۆت بە دەمەوە دەکات و بوختانیشت بۆ هەڵدەبەستێت و دەڵێن لە خراپە زیاتر چاکەمان لێ نەدیوی!.

لە پەندەکانی پیرەمێرد

٧ی ئابی ١٩٤٧ز

هەر بارگیرێکی بە (سەرسم) فێربێ
پێی ئەڵێن یاخوا ناڵبەندت کوێر بێ
تەربیە لەسەر دایک و باوک فەرزە
کــە تەربیەی بـوو کـردەوەی بەرزە

لە پەندەکانی پیرەمێرد

١٣ی کانوونی دووەمی ساڵی ١٩٤٩

 

ساڵانی پێشوو بەختمان یار بوو

حەکیمەکانمان نەخوێندەوار بوو

نەمان بیـستبوو ئەم هـەمـوو دەردە

نە ئەچووە سکمان دەرمان بە فەردە

 

ترس و واهیمە، نەبوو لە ناوا

عیللەتمان بە ئاو ئەدا بە ئاوا

لە پەندەکانی پیرەمێرد

٢٦ی ئاب - ١٩٤٨

کارشوناس گەڕا لە شوێنی دانا
لە شوێنی نەزان هات دانای دانا
ئەو دەمەی پیاویان لە دار ئەتاشی
ئیشیان نە ئەدا بە کەسی ناشی
دارتاشێ لەناو کاروانێکا بوو
بۆ سنعەتی خۆی بۆ لادێ ئەچوو
جەردە هات لە ڕێ کاروانی ڕوت کرد
لە خوا نەترسێ تەشوێی ئەوی برد

پەندی پیرەمێرد

پێشکەش بەوانەی لە بەردەرکی سەرا داوای مافی میللەت دەکەن!

لە پەندەکانی پیرەمێرد

 ئەوانەی کەوا کاریان بە دەستە
هاتن لە ڕەئیا بوون بە دوو دەستە
ئەگەر هەردوولا بۆ خەڵک خێرخوا بن
هیواداری ڕاست بە خێری خوا بن
بە حوسنی نییەت کار ئەبەنە سەر
درەختی ئەمەل بۆیان دێتە بەر
فەرموودەی نەبی بۆمان حوجەتە
کە ئیختیلافی ئوممەت زەحمەتە
بەڵام غەرەضی شەخصی کەوتە ناو
ڕەحمەت، زەحمەتە، دراومان دۆڕاو
من لاوی وام دی کە شەشی ئەیلوول
بەردەرکی سەرای کرد بە گەردەلوول
مەترەلۆزی بە خەنجەر شکاند
ئازاییەکی شێرانەی نواند
ئەو کەسەی خۆیان بۆدا بە مردن
ئەو بە دەستی خۆی کەلەپچەی کردن
شینم بە شیعری ئەکرد ئەوسایە
ئیستەیش گریانم وا لە قوڕگایە
کورد نابڕێتەوە خەیاڵی خاوە
بەراتی نەجات بە خوێن نوسراوە
من بۆیە ڕەنگی سوورم خۆش ئەوێ
مژدەی شەفەقی لێ دەست دەکەوێ

ڕۆژنامەی ژین ژ. ٩٠٧ - ٢٦ی شوباتی ١٩٤٨ - پیرەمێرد

كرده‌وه‌ی خۆشه‌ویستان

 ده‌گێڕنه‌وه‌ ئه‌ڵێن دوو هاوڕێ پێكه‌وه‌ پیاسه‌یه‌ك ده‌كه‌ن به‌ بیابیاندا، له‌ڕێگا مشت و مڕیان ده‌بێت له‌سه‌ر بیروبۆچوونی جیا، یه‌كێكیان توڕه‌ ده‌بێت و زللـه‌یه‌ك
ئه‌دات له‌وی تر.زللـه‌ لێدراوه‌كه‌، ئازاری زلـله‌كه‌ له‌ دڵیا ده‌هێڵێته‌وه‌ و، له‌سه‌ر خۆڵی بیابانه‌كه‌ به‌ داره‌كه‌ی ده‌نووسێت:"ئه‌مڕۆ خۆشه‌ویسترین هاوڕێم، زلـله‌یه‌كی لێدام ".دوو هاورێ كه‌ به‌رده‌وام ده‌بن له‌سه‌ر ڕۆیشتن، تاكو ده‌گه‌نه‌ مێرگێك، بڕیار ئه‌ده‌ن كه‌ گه‌یشتن مه‌له‌ی تیا بكه‌ن و خۆیان فێنك بكه‌نه‌وه‌.له‌ناكاو زللـه‌ لێدراوه‌كه‌ قاچی له‌ خۆڵه‌دا ده‌چه‌قێ (خۆڵه‌ جوڵاوی بیابان) به‌ناوا و له‌ جووڵه‌ ده‌وه‌ستێك، هاوڕێیه‌كه‌ی به‌هانایه‌وه‌ دێت، ده‌ستی ڕاده‌كێشێت و ڕزگاری ده‌كات له‌ خنكان له‌ناو خۆڵه‌كه‌دا. پاش ڕزگاربوونی له‌ مردن، له‌سه‌ر به‌ردێكی قه‌راغ مێرگه‌كه‌ ده‌نووسێت:"ئه‌مڕۆ خۆشه‌ویسترین هاوڕێم، له‌ مردن ڕزگاری كردم ".

دە پەند لە پیرەمێردەوە

 دە پەندە ‌و یەکی دە دینار دێنی

دیاری ژیانە خەڵکی بیخوێنێ