ئاگری نەورۆز

نەنەگیان، دەزانیت لە نەورۆزی ئەمساڵدا ئاگرێکی زۆر گەورەمان کردوە!

ئاگرەکە ئەوەندە گەورە و بەرز بوو لەسەر شاخە دوورەکانەوە خەڵک بینی بووی، من ئەمەم لە خەودا بینی.

نەورۆز

نەورۆزتان پیرۆز

ساڵی نوێی کوردی ٢٧١١ لە هەموو کوردێک پیرۆز بێت!

ئەم ڕۆژی ساڵی تازەیە نەورۆز ھاتەوە 

جەژنێکی کۆنی کوردە بە خۆشی و بە ھاتەوە

چەند ساڵ گوڵی ھیوای ئێمە پێ‌پەست بوو تاکو پار
ھەر خوێنی لاوەکان بوو گوڵی ئاڵی نەوبەھار

ئەو ڕەنگە سوورە بوو کە لە ئاسۆی بڵندی کورد
مژدەی بەیانی بۆ گەلی دوور و نزیک ئەبرد

نەورۆز بوو ئاگرێکی وەھای خستە جەرگەوە 
لاوان بە عەشق ئەچوون بە بەرەو پیری مەرگەوە

ئەوا ڕۆژھەڵات، لە بەندەنی بەرزی وڵاتەوە 
خوێنی شەھیدە ڕەنگی شەفەق شەوق ئەداتەوە

تا ئێستە ڕووی نەداوە لە تاریخی میللەتا 
قەڵغانی گولـلە سنگی کچان بێ لە ھەڵمەتا

پێی ناوێ بۆ شەھیدی وەتەن شیوەن و گرین 
نامرن ئەوانە وا لە دڵی میللەتا ئەژین

پیرەمێرد - ئازاری ١٩٤٨

وێنە لە لایەن ئارا قادر