ڕاپەڕین

نەنە گیان دەزانیت دوای ڕاپەڕینەکە و ئازادبوونی کوردستان باوکی تۆڵە و فریا گەڕانەوە ماڵێ، ئێستا ئەوانیش وەکو من لەگەڵ باوک و دایکیاندا دەژین.

ئاگری نەورۆز

نەنەگیان، دەزانیت لە نەورۆزی ئەمساڵدا ئاگرێکی زۆر گەورەمان کردوە!

ئاگرەکە ئەوەندە گەورە و بەرز بوو لەسەر شاخە دوورەکانەوە خەڵک بینی بووی، من ئەمەم لە خەودا بینی.

فیلە فڕیوەکان

نەنە گیان دەزانیت فیلیش هەیە وەکو کۆتر باڵی هەیە و دەتوانێ بفڕێت!. من ئەمەم لە خەونمدا بینیوە.

ئەوکاتەی لە قوتابخانە مامۆستا فێری کردین چۆن دەتوانین کۆمەڵە دروست بکەین، وتی "کۆمەڵەی فیلەکانی کە بە ئاسماندا دەفڕن، کۆمەڵەیەکی بەتاڵە!."، واتا لەبەرئەوەی فیل گەورەیە و نافڕێت کۆمەڵەی لێ دروست نابێت. بەس من بینیم فیل بە ئاسماندا دەفڕی.