 |
| مرۆڤ بیردەکاتەوە |
زۆرکات چەلەحانێشم کردوە لەگەڵ بەرامبەرەکەمدا لەسەر بابەتێک کە هەردووکمان لێی دڵنیابووین، بابەتێک بۆچوون و بینایی خۆمانی لەسەر پێکهاتبێ، من ویستومە ڕای خۆم بسەپێنم و ئەویش هەمان شت، جاری وابووە کورد وتەنی من مەلابەزێن بووم و کۆڵم نەداوە تا ئەو وازی هێناوە و جاری واش هەبووە، کورت و کەم وتومە تۆ ڕاست دەکەیت، بیبڕەوە.
عەلی وەردی لە یەکێک لە کتێبەکانیا ڕووداوی دوو سوارچاکی ڕۆمانی کۆنمان بۆ باس دەکات لەسەر جۆرێک لە گفتوگۆکان، کە هەر کەسە و لە دیدی خۆیەوە پێناسە و ڕاستیەکی بینیوە و ئەیڵێتەوە بۆ ئەوی تر...
لە سەردەمی ڕۆمانیەکاندا، دوو سوارە بەیەک دەگەن، پاش سڵاو و خۆشهاتنی یەکتر، یەکێکیان دەڵێ:
- پەیکەرە نوێیەکەی ناو گۆڕەپانەکەت بینیوە،
+ پەیکەرە شینەکە! بەڵێ بینیومە لە دوورەوە..
- شین نیە، زەردە
+ نا شینە، بەچاوی خۆم بینیومە...
ئەم دوو سوارە، کە هاوڕێی دێرینی یەکترن، لەسەر ڕەنگی پەیکەر لێیان دەبێ بە دەمەقاڵێ و زۆری نامێنێت شمشێر لەیەکتر ڕاکێشن و بە دڵشکاوی یەک جێ دێڵن... لە ڕاستیدا هەردووکیان ڕاست دەکەن، پەیکەرەکە دیوێکی شینە و دیوێکی زەردە، هەر یەکە دیوێکی بینیوە. بەڵام لەبەر دڵنیاییان لە بینین و کەللە ڕەقیان کەسیان کۆڵ نادەن، هەر بچن تەماشا بکەن و ڕاستی بۆ هەردووکیان ڕوون دەبێتەوە..
ئەم ڕووداوە کە (عەلی وەردی)ـش بەسەرسامیەوە بۆمان باس دەکا، لەگەڵ زۆر لە هاوکێشەکانی ئەمڕۆدا بەڕەنگێکەوە دێتەوە ناو گفتوگۆکان، کە جاری وا هەیە لەسەر دید و بۆچوونی یەکتریمان لەسەر ڕووداوێک یەکتر بێزار دەکەین، لە کۆتایشدا دوورکەوتنەوە لە دەربڕینی شیاو هێندەی تر بیرکردنەوەکانمان لە سەنگی تەرازووەکەدا لەق دەکا.
عەلی وەردی لە یەکێک لە کتێبەکانیا ڕووداوی دوو سوارچاکی ڕۆمانی کۆنمان بۆ باس دەکات لەسەر جۆرێک لە گفتوگۆکان، کە هەر کەسە و لە دیدی خۆیەوە پێناسە و ڕاستیەکی بینیوە و ئەیڵێتەوە بۆ ئەوی تر...
لە سەردەمی ڕۆمانیەکاندا، دوو سوارە بەیەک دەگەن، پاش سڵاو و خۆشهاتنی یەکتر، یەکێکیان دەڵێ:
- پەیکەرە نوێیەکەی ناو گۆڕەپانەکەت بینیوە،
+ پەیکەرە شینەکە! بەڵێ بینیومە لە دوورەوە..
- شین نیە، زەردە
+ نا شینە، بەچاوی خۆم بینیومە...
ئەم دوو سوارە، کە هاوڕێی دێرینی یەکترن، لەسەر ڕەنگی پەیکەر لێیان دەبێ بە دەمەقاڵێ و زۆری نامێنێت شمشێر لەیەکتر ڕاکێشن و بە دڵشکاوی یەک جێ دێڵن... لە ڕاستیدا هەردووکیان ڕاست دەکەن، پەیکەرەکە دیوێکی شینە و دیوێکی زەردە، هەر یەکە دیوێکی بینیوە. بەڵام لەبەر دڵنیاییان لە بینین و کەللە ڕەقیان کەسیان کۆڵ نادەن، هەر بچن تەماشا بکەن و ڕاستی بۆ هەردووکیان ڕوون دەبێتەوە..
ئەم ڕووداوە کە (عەلی وەردی)ـش بەسەرسامیەوە بۆمان باس دەکا، لەگەڵ زۆر لە هاوکێشەکانی ئەمڕۆدا بەڕەنگێکەوە دێتەوە ناو گفتوگۆکان، کە جاری وا هەیە لەسەر دید و بۆچوونی یەکتریمان لەسەر ڕووداوێک یەکتر بێزار دەکەین، لە کۆتایشدا دوورکەوتنەوە لە دەربڕینی شیاو هێندەی تر بیرکردنەوەکانمان لە سەنگی تەرازووەکەدا لەق دەکا.
-------------------------------------------------
* ئەم بابەتە و کۆمەڵێک بابەتی ترم، کە پێش ٢٠٠٤ نووسراون، بەهۆی کۆچ بەرەو یونیکۆد لە لایەن گووگلەوە، لە دەستچوون و بوون بە هێما.. هەوڵ ئەدەم دیسان بیاننووسمەوە و لە فەوتان ڕزگاریان بکەم.
