تەنگوچەڵەمە لە پەروەردەکردنی منداڵی خاوەن پێداویستی تایبەت بە ئاسانی تێپەڕ نابێ، مامەڵەی منداڵانی تر و شێوازی هەڵسوکەوتیان لەگەڵ مناڵەکەی تۆدا زەحمەتە بەتۆ بگۆڕدرێ، لەو گۆشەیەوە ئەرکی کۆمەڵگا (بە تایبەتی لەسەر باوان و مامۆستاکان) فێرکردنی ڕێز و ڕەوشتی یەکتر قبوڵ کردنە، ئایینەکان لەم ڕووەوە دەکرێ ببنە سەرچاوەی پەند و ئامۆژگاری. چونکە گاڵتە پێکردن و بەکەمزانین لە ئاکار و ڕەوشتی بڕواداردا نیە. ئاکاری هەڵسوڕان لەگەڵ خەڵکدا دەبێت بە ڕاست و دروستی فێری منداڵ بکرێت.
گرفتێکی ترلەم دەڤەرەدا، کەمیی بوونی چارەسەر و پسپۆڕە، چارەسەرێکی گونجاو و بەردەوام، هاوکات پسپۆڕێک کە هەم دڵسۆز بێ بۆ پیشەکە و هەمیش شارەزایانە ڕێنیشانت بێ. پارە و خەرجی بۆ چارەسەر وەرگرتن ڕێگریەکی ترە. لەگەڵ ئەوەشدا زۆر ئەرک لەسەر دایکوباوک دەمێنێتەوە کە گرنگترینیان شێوازی هەڵسوڕان و مامەڵەکردنە لەگەڵ منداڵەکەیاندا. چەندین گێرمەوکێشەی تری ژیان هەیە کە دەبێت زانایانە لە بەرژەوەندی پەروەردەی ساخ و دروستدا لە کاتی خۆیاندا چار بکرێن.
ئەمە ڕەوتێکی یەک دوو ڕۆژی نیە، بەڵکو بەرەنگاربوونەوەیەکی بەردەوامە، کە بۆی هەیە چەندین ساڵ بخایەنێ. لە زووەوە دەبێ نەخشەی ئەمڕۆ و سبەیت هەبێ. لویزە بە بەردەوامی بڕوابەخۆبوون پەروەردە کرا، دایکوباوکی بیریان تەنیا لەوە کردەوە کە وەکو مناڵی تر ئاسایی بێ.
ئەمە ڕەوتێکی یەک دوو ڕۆژی نیە، بەڵکو بەرەنگاربوونەوەیەکی بەردەوامە، کە بۆی هەیە چەندین ساڵ بخایەنێ. لە زووەوە دەبێ نەخشەی ئەمڕۆ و سبەیت هەبێ. لویزە بە بەردەوامی بڕوابەخۆبوون پەروەردە کرا، دایکوباوکی بیریان تەنیا لەوە کردەوە کە وەکو مناڵی تر ئاسایی بێ.
کەس گومانی لە دڵسۆزی دایکوباوک نیە، ئەکرێت ڕوانین و هەڵوێست باشتر بکرێن، ئەمڕۆکە دونیای ئەلیکترۆن و ئینتەرنێت بەشیکی ژیانی داگیرکردوە، زۆرکەس، بەخۆشمەوە، کاتمان بیر دەچێتەوە کاتێک سەرقاڵی خوێندنەوە و تەماشای وێنە و نوێکارییەکانی تۆڕەکۆمەڵایەتیەکانین، سەرەنجام ڕۆژ ئاوا دەبێ و هیچمان نەکرد. ئەمە ڕۆتینێکی سادەی گوزەرانە، بەڵام بۆ کەسی خاوەن تایبەتی لەوەیە ببێتە پەستانێکی تر و پەرچەکرداری نەرێنی لێ بکەوێتەوە. منداڵە چینیەکە بهێنە بەرچاوی خۆت، ئەگەر دایکی ماوەیەک گرنگی پێ نەدایە چی دەبوو؟.
لەبەرئەوەیە ناونیشانی وتارەکەم کردوە بە ئاراستەیەک بۆ چاولێکردنی ئەو باوک و دایکانەی کە بێ وچان کۆشش دەکەن لەپێناو پێگەیاندن و فێرکردنی منداڵەکانیان، خەمی داهاتوویان دەخۆن و تەنیا لە ئەمڕۆ و ژیانی ئەمڕۆی خۆیان ناڕوانن. بۆی هەیە نوکتە و خۆشی وتارەکانی تۆڕەکۆمەڵایەتیەکان و چەلەحانێی سیاسی و کۆمەڵایەتی چێژت پێ بدەن، بەڵام هیچیان ناگەنە ئەوەی کە دەبینیت منداڵەکەت سەرکەوتووانە قۆناغێکی ژیانی تێپەڕ دەکا، هیچ شتێک هێندەی تەندروستی و پێکەنینێکی منداڵەکەت ناتخاتە نەشئەی خۆشی. ئیتر خۆت بڕیار بدە، ئەگەر ئەمە تۆ ناگرێتەوە، ئەوا وتارەکەم بۆ تۆ ناشێ و لەو جۆرە دایکوباوکانە نیت کەمن باسیان دەکەم.
ئەوانەی ئالوودەن، سەخترین هەنگاو لایان، بڕیاردانە بۆ گەیشتن بە ئامانج، کە لەپێناویدا لە ئالوودەبوون دەتەکێنەوە و پێ دەجووڵێنن.
کاتێکیش بەخۆیان دەزانن و دیوەکەی تری ژیان گوزەر دەکەن، ئاخی پەشیمانی هەڵدەکێشن، کە تەمەنیان بەفیڕۆ چوو، بۆ باوان، لێرەوە تەمەنی خۆت بەتەنیا تێپەڕ نابێ، بەڵکو هی منداڵەکانیش، ئەوەش خەمێکی ترە و هەڵدێرێکی تر دێنێتە پێش، تاکو هەنگاوەکانی ڕابردووش بگێڕیتەوە قۆناغی ئەمڕۆت لە دەست دەچێ و ماندوو دەبی. خەمی تۆ با لە زووەوە ئەوە بێ باشترین ئاست ببێتە بەروبوومی قۆناغەکان. بیرت تەنیا لای سەرکەوتن بێ، ئەمڕۆی منداڵەکەت لە دەست مەدە بەسەرقاڵی چات و فەیسبووک.
