لەگەڵ ئەوەشدا - بەتایبەتی لە میدیاکان و وێبدا - زۆر بە خراپی بەکار دەهێنرێت و گوێنادەنە ڕێنووس و ڕێزمانەکەی.
ئەمڕۆ وشەی (جەوت) باس دەکەم، کە لە بانگهێشتێکی بازرگانی ئاسیاسێڵدا هاتووە (بڕوانە وێنەکە). دیارە ئەو مەبەستی وشەی (جَو) بە عەرەبی بووە، بەڵام لە ڕستە کوردییەکدا کەس چاوەڕوانی وشەی نامۆ و عەرەبی ناکات. ئەگەریش تیمی بازاڕدۆزیی ئاسیاسێڵ، پێیان وابێ (جەوت ئەفڕێنێ) بەرامبەر (دەکەویتە هەوای خۆت) بەکوردی هاتووە، ئەوا هەڵەن. چونکە وشەی جەوت لە کوردیدا مانای خۆی هەیە (کڵاوەبەڕوو). لە زمانی عەرەبیشدا مانا و لێکدانەوەی وشەی (جَو) زۆرن و دڵنیا نیم کە شتێک بێ بفرێ و زۆر چێژ بدا بە مرۆڤ. خۆ کەش و هەوا ئەگەر دڵڕەوێن بێ نافڕێت!
بەهەرحاڵ، واوی وشەی (جَوْ) جووڵەی نییە، لەبەرئەوە بۆی هەیە کە بنووسرێت (جەووت خۆشە) دروست تر بێ بۆ دەستەواژەیەکی کوردی کراو و لەگەڵ کڵاوی بەڕوودا تێکەڵ نابێ، ماناکەی ئەوە ئەدات کە بازاڕدۆزیی ئاسیا لە زمانی بازاڕییەوە وەریگرتووە یان نە، شتێکی ترە.
گەرچی جەوت لە پاییزدا، بە بای توند ئەفڕێ، بەڵام خێرایی وەچەی چوارەمی پەیوەندییەکانی ئاسیاسێڵ لە بەهاریشدا دەیفڕێنێ.
