Showing posts with label هەرێمی کوردستان. Show all posts
Showing posts with label هەرێمی کوردستان. Show all posts

Tuesday, June 28, 2022

بیرە تەکنیکیەکانم


بیرە تەکنیکیەکانی ساڵی کۆڤید و دیجیتاڵکردن


ئێوارەیەک حەمە لە کەنەداوە تەلفۆنی کرد لە ڤایبەرە حەیاتەکەوە، وتی وەرە نۆکاو دەخۆین! وتم چۆن، نۆکاویش بووە بە دیجیتاڵ؟

برادەرێکی ئایتی هێندە پرۆژەی دەستپێکردووە و تەواوی نەکردووە ناویان لێناوە حکوومەت.

Monday, July 27, 2020

داتاکان چۆن دەبنە نەوت - ٦

لە سەردەمی کۆرۆنا دا، کە ماوەیەک جووڵەی بازرگانی و پیشەسازی، لەسەرتاسەری جیهاندا کز بوو و لەزۆر شوێن بگرە وەستا، نرخی نەوت و لێکەوتەکانی زۆر دابەزی[١]، بە ڕادەیەک ئەوانەی بۆ هەفتە و مانگەکانی داهاتوو پێشتر داوای بڕێکی زۆریانکردبوو، نەیاندەزانی ئەوەی کە ئەمبارکراوە چی لێ بکەن.

Saturday, April 25, 2020

ئەگەر ئەمانە تەواوبوونایە

لێپرسینەوە و چاودێریی تەنیا بە دانانی لیژنە و هەبوونی یاسا تەواوکاری نابێت، بەڵکو دادیش دەبێت سەروەر بێ لە لێپێچینەوە و کەمتەرخەم سزا بدا. ئەگەر گوێ نەدرا بە نەخشە و هەنگاوی دوای جێبەجێبوونی پرۆژەکان، ئەوا بۆی هەیە پرۆژەکان لەگەڵ تەواوبوونیان مردار ببنەوە و هیچ بایەخێکیان نەمێنێت.

Tuesday, March 31, 2020

خوێندنی سەرهێڵ لە سەردەمی کۆرۆنادا

ڤایرۆسێک ڕووی کردووەتە مرۆڤایەتی کە تاکو ئەمڕۆ ئاکارەکانی تەواو ناسراو نین. چەندین توێژینەوە و باسی جۆراوجۆر بۆ پێکوتە و چارەسەری هاتووەتە بەرباس،

Wednesday, November 01, 2017

ئەنجومەنی ڕیفڕاندۆم

لە ڕشتەی مرواریدا، دەگێڕێتەوە مەلاکان لە مزگەوت دەیانەوێ کۆببنەوە، مجەورەکە دەنێرن بە شوێن وتارخوێنەکەیان بێت بۆ کۆبوونەوە (اجتماع)، مجەور ڕا دەکات، بە پەلە، کە دەگاتە لای مەلای وتارخوێن دەڵێ، خێرا بانگت دەکەن لە مزگەوت بۆ (جیماع)، ئەویش لێی دووپات دەکاتەوە چی، مجەور دەڵێ (جیماع)،

Tuesday, February 02, 2016

هەنگاونان بۆ چاکسازی لەڕێی دیجیتاڵکردنەوە - ١ -

پێشەکیەک

کارکردن بێ کۆمپیوتەر لە گۆڤاری توێشووی
زانستخوازانەوە
لە ڕابردوودا چەند جارێک باسی دیجیتاڵکردنی وەزارەتی دارایی و دانانی سیستەمێکی ئەلیکترۆنی بۆ هەموو مووچەخۆران و خەرجییەکانی حکوومەتی هەرێمی کوردستانم کردوە لەگەڵ کارمەندانی فەرمانگەی ئایتی، لەگەڵ وەزارەتی دارایی و لەگەڵ هاوڕێیانی "زکورد" دا بە گشتی [١]. ئارەزووم بوو ڕۆژێک دەزگایەکی گرنگیی وەکوو دارایی بکرێت بە سیستەمێکی خۆکار کە مانگانە بێ ماندوبوونی زۆر، کاغەزی داهات و خەرجیەکانی ئەدایتێ و مووچەخۆریش لە ڕۆژی خۆیدا بە مووچەکەی دەگەیشت.


Monday, January 25, 2016

دەستپاکی

لە ماڵپەڕی نەزاهەی عێراق وەرگیراوە
 
"حەمە ئەوە چی ئەکەی لەم ناوە؟" باوکی  چاوەڕێی نە دەکرد لەو دەمەدا حەمە ببینێ، لەبەرئەوە پرسیارەکەی سەرسوڕمێنەرانە بوو...
حەمە: "باوکە لەم دائیرەیەی ناوبازاڕ بووم ..."
باوکی: " هەتیو کوا لەم سەوزە فرۆشانەدا دائیرە هەیە .."
حەمە: "با، ئەیچۆن، سەر ماستفرۆشەکان، بینا تازەکە، شوقەیەکە، لەویا دەستەی نەزاهە دادەنیشن..."
باوکی: "بەخوا جوانە، دەستەی نەزاهەش کرێچیە؟، ئینجا تۆ ئیشت بەوان چیە ڕۆڵە؟"

Thursday, December 24, 2015

بیرەتەکنیکیەکانم - کۆتایی ٢٠١٥


پەیامی زەلامێکم بینی کە ناونیشانی (سینیۆر وێب دیڤیڵۆپەر)ی لە خۆی ناوە؛ نازانێ get post چۆن دەکرێ. حەمە ئەڵێ (بارام بەگ) بمایە تەڵاقی دەخوارد کە (پەیجی کۆمپیوتەر) لە فەیسبووک تەنیا باسی کۆمپیوتەر ناکات.
لەوەتەی سیستەمی زانکۆلاین دانراوە و وەرگرتنی خوێندکار بووە بە دیجیتاڵ، قۆناغی یەکەم لە خوێندن چوار مانگ دوادەکەوێت، پێشتر هەمووی بە دەست دەکرا و مانگێک پێش دەست پێ کردنی خوێندن خوێندکار ئەیزانی لە کوێ وەرگیراوە، خۆش چاکسازی..

Monday, September 14, 2015

بەڕێوەبەریی قەیران لە هەرێمی کوردستان - بەشی پێنجەم

دەزگای بەڕێوەبەریی قەیرانەکان
بەڕێوەبەرایەتیەک بۆ قەیرانەکان پێویستە کە لەگەڵ هەموو
دەزگاکانی تریشدا تەواو هاوکار بێت

وەکوو لە سەرەوە ئاماژەی پێ درا، دروستکردنی دەزگایەک بۆ بەڕێوەبەریی قەیران لەم ساتەدا پێویستە. دەتوانین گرنگتری.ن کارەکانی ئەم دەزگایە لەم خاڵانەدا کۆ بکەینەوە:
١. پشتیوانی دەزگا حکوومیەکان لە شار/شارۆچکە/قەزا/ناحیە و بەڕێوەبەرایەتیەکاندا لە کاتی بوونی هەر جۆرە قەیرانێک.
٢. پێکهێنانی دەستەی فریاگوزاریی شارستانی و نەخشەدانان بۆ بەرەوڕووبوونەوەی هەر جۆرە قەیرانێک.

Thursday, September 10, 2015

بەڕێوەبەریی قەیران لە هەرێمی کوردستان - بەشی چوارەم

میدیا و ڕاگەیاندنەکان
 

هێڵکاریی سەرخێڵ عەبدوڵا
هاوکاریی میدیاکاران و دەزگاکانی ڕاگەیاندن لە ڕووبەڕووبوونەوەی قەیراندا، بە خاڵێکی گرنگ ئەژمار دەکرێت. دەموو هەواڵێکی ناڕاست بۆی هەیە قەیرانی دەروونی و پەستانی چاوەڕواننەکراو دروست بکا.
لەبەرئەوە هاوکارانی بەڕێوەبەری قەیران دەبێت بە ئاگاوە لێدوانەکانیان بدەن، هەماهەنگی کەناڵەکانیش لەم ڕووەوە دەبێت ڕوون بێت، کاتێک وەڵامی ڕۆژنامەنووسێک نادرێتەوە بە تەواوەتی دەبێت هۆکارەکەی بزانێت، بۆ ئەوەی متمانە لە دەست نەدرێت و لەبری ڕاستی درۆ پەخش نەبێت.

Wednesday, September 09, 2015

بەڕێوەبەریی قەیران لە هەرێمی کوردستان - بەشی سێیەم

بەرەوڕووبوونەوەی قەیران

گوندێکی وێران لە عێراق
زۆرگرنگە کە هەنگاوی ڕاست بنرێت لە کاردانەوەی ڕووداوەکاندا. وەکو بنچینە:
- ڕاست پێش خێراکردن
- خێراکردن پێش تەواوکردن

Monday, February 03, 2014

توورەکە


لە جەژناندا "یانصیب" هەبوو، دەستت دەکرد بە توورەکەیا ژمارەیەکت دەردەهێنا، بە منداڵی هەموو جارێ دەمکڕی هەر "بۆش" دەهاتە دەرەوە، عاریشم نە دەنا، جەژنی داهاتوو دیسان دەستم ئەکردەوە بە توورەکەکەیا. بەو یادەوە لە تیروپشکی (سەیارەی کیلۆمەتر سفر)دا بەشداریم کرد، هەر نسیب نەبوو. بەخت و ناوچەوانی من وایە، هەتا من بووم بە ڕۆژنامەنووس، پارچە زەوی نەما دابەش بکرێ.

Monday, January 02, 2012

دانانی زانکۆ

پرۆژەی دانانی زانکۆ

ئەگەر بتەوێ دەوڵەمەند بیت، ڕێگە زۆرە، بەڵام ئەگەر بتەوێت دەوڵەمەندیش بیت و ناویش پەیدا بکەی ئەوا ڕێگەکان تەسک دەبنەوە و هەموو کەسێکی پیا ناچێت.
پرۆژەی دامەزراندن یا دانانی زانکۆیەک لە هەرێمی کوردستان یەکێکە لەو پرۆژە نوێیانەی کە هاوشانی دروست کردنی گوندی نیشتەجێبوون هاتووەتە کایەوە. وا لە خوارەوە بە کورتی باسی دەکەم، سا ئەگەر پارەت هەیە و حەز دەکەیت، وەرە پێکەوە دەیکەین.
زانکۆیەکی ئەهلی، ساڵی ٥٠٠٠ دۆلار لە خوێنکار وەردەگرێ، تەنها ٥٠٠ خوێندکارت هەبێ واتە، ٢،٥ملیۆن داهاتە، پارەی بینا و مامۆستا و پێداویستییەکانی تر لە ١،٥ملیۆن تێپەڕ ناکات و هەم پێداویستی کۆمەڵگات دابین کرد، کە زانکۆیە، هەم پێداویستی گیرفانی خۆشت کە ملیۆنێک دۆلارە لە وەرزێکی خوێندندا.