وەفایەک بۆ تەها

هاوارە و هاوار... شنەی با هێواش دێ
دەمە و بەهارە، تاوێ دێ
باران دەبارێ
سەر لە ئێوارە چەند جوانە. کە زەردە دادێ[١]

بارانی گەندەڵی

کەی تەواو دەبین؟ کە تۆ دروستی بکەیت و کەسی تر تێکی بداتەوە(*)

زۆر کەس وا دەزانن گەندەڵی هەر پارە دزینە، لەسەر ئەو باسە لەگەڵ برادەرێکدا زۆر دواین، دواجار هەردوکمان بڕوامان وابوو کە لەخوارەوە خەڵک گەندەڵ بووە، چارەسەر کردن لەسەرەوە بێهودەیە، ئەگەر لەخواریشەوە خواست و نیاز نەبێ بۆ گۆڕین. ئەم چیرۆکەش لەو قسانەوە هاتە پێش..

حکوومەتی خێرخوا

گەڕەکی ئێمە میللی بوو، لە نێوان دراوسێکاندا هاتوچۆ و سەردانی یەکتر زۆربوو، لە گەڕەکدا ماڵێک هەبوو، پێچەوانەی ئەم دەستوورە، هاتوچۆی کەسیان نەدەکرد، پەیوەندییان لەگەڵ دراوسێکاندا کەم بوو ، ئێمەش کە تۆپتۆپێنمان دەکرد، زۆر خەممان دەخوارد کە تۆپەکە نەکەوێتە ئەو ماڵەوە، چونکە تا هەفتەیەک نەمان دەبینییەوە، خۆ دەرگایان لە کەس نەدەکردەوە، حەمە ئەیوت زەنگی دەرگاکەیان بەس دیکۆرە.

چایخانەی زانستی

لەو وڵاتەی ئێمەدا زانست چارەی گران نییە، هەموو خەڵکی وێڵن بەدوای بەرهەمی نوێی تەکنەلۆجیا، لەگەڵ ئەوەی کە کارەبا چەند کاژمێرێک هەیە، خەڵکی پارە زۆر ئەدەن بە ئامێرە نوێیەکانی گەیاندن و ئامێرەکانی ناوماڵ. بەیانی مۆدێلێکی تەلەفیزیۆن، پلەی ستەیشن یا جلشۆرێک بێتە بازاڕ، دوو بەیانی نەماوە. ئێ ئەگەر چاولێکەری و خۆ دەرخستنیش بێ، هەر پارەی تێ دەچێت. 

هەر کە قوتابخانەی تایبەتی دروست کرا، هێندەی نەخایاند کە هەموو شوێنەکان پڕ بووەوە، مانگانەکەیشیان کەم نییە، ئەمەش نیشانەیەکی ترە بۆ خواستی خەڵکی بۆ فێربوونی نەوەکانیان، بێگومان ئەم نەوانە کە بە نوێترین تەکنیک و ئاکاری نوێ پەروەردە دەکرێن وفێر دەبن، گورزێکی توندە بۆ دواڕۆژی نەتەوەکە و سەرمایەیەکی پڕ بەهایە. بەڵگە زۆرن، ئەگەر ژماری بکەین کۆتایی نایەت، هەمووی ئارەزووی خەڵکی بۆ وەرگرتنی نوێترین و باشتر نیشان ئەدەن. لەگەڵ ئەوەشدا ئەگەر بەراوردی بکەین بە بوارەکانی تر، زانست و خەڵکی زانستی ون و نامۆن. نابینی دەستەیەکی زانستی خانەیەکیان هەبێ، یا کاریگەریی تەواویان لەسەر کۆمەڵگا هەبێ، یا کەسانی زانستیی لە ڕاگەیاندنەکانەوە دەربکەون، یا حکومەت دوو کەسی زانستیی خەڵات بکا..یا و یا ...

ڕۆژی گەردن ئازایی

ڕۆژی گەردن ئازایی

هەتاوێکی سستی هەبوو، تۆز و خۆڵیش ئاسمانی لێڵ کردبوو لەبەر چاوم، هەر لە بەیانییەوە چوومە دەرەوە. لەسەر قەبران هاتمەوە لای ئۆتۆمبیلەکە، کابرایەک وەستابوو، بە زەردەخەنەوە وتی ئەمە سەیارەی تۆیە کاکە،  وتم نەوەڵڵا هی براکەمە و بە سووڕ لێم وەرگرتوە، بۆچی؟، زۆرداوای لیبوردنی کرد کە مناڵە سێ ساڵانەکەی لە ئۆتۆمبیلەکەی خۆیدا بەجێهێشتوە و دەستکاری گێڕەکەیان کردوە و سەیارەکەیان داوە لە پێشی سەیارەکەم و قوپاوە. کەمێک بەقوربان و بەساقەم بوو، دەستی کرد بە گیرفانیا پارەی دەرهێنا بمداتێ، وتم کاکە پارەم ناوێت و بڕۆ گەردنت ئازاد بێت، بەس وەعدم بەرێ پیاوانە کە مناڵ لە ئۆتۆمبیلدا بەجێ نەهێڵیت. لاحول ولا قوة الا باللە.

پەندی پیرەمێرد

پێشکەش بەوانەی لە بەردەرکی سەرا داوای مافی میللەت دەکەن!

لە پەندەکانی پیرەمێرد

 ئەوانەی کەوا کاریان بە دەستە
هاتن لە ڕەئیا بوون بە دوو دەستە
ئەگەر هەردوولا بۆ خەڵک خێرخوا بن
هیواداری ڕاست بە خێری خوا بن
بە حوسنی نییەت کار ئەبەنە سەر
درەختی ئەمەل بۆیان دێتە بەر
فەرموودەی نەبی بۆمان حوجەتە
کە ئیختیلافی ئوممەت زەحمەتە
بەڵام غەرەضی شەخصی کەوتە ناو
ڕەحمەت، زەحمەتە، دراومان دۆڕاو
من لاوی وام دی کە شەشی ئەیلوول
بەردەرکی سەرای کرد بە گەردەلوول
مەترەلۆزی بە خەنجەر شکاند
ئازاییەکی شێرانەی نواند
ئەو کەسەی خۆیان بۆدا بە مردن
ئەو بە دەستی خۆی کەلەپچەی کردن
شینم بە شیعری ئەکرد ئەوسایە
ئیستەیش گریانم وا لە قوڕگایە
کورد نابڕێتەوە خەیاڵی خاوە
بەراتی نەجات بە خوێن نوسراوە
من بۆیە ڕەنگی سوورم خۆش ئەوێ
مژدەی شەفەقی لێ دەست دەکەوێ

ڕۆژنامەی ژین ژ. ٩٠٧ - ٢٦ی شوباتی ١٩٤٨ - پیرەمێرد

چاکسازیی

پرۆژەی چاکسازی

ئەمڕۆ "ئۆپۆسیزیۆن" / گۆڕان، یەکگرتوو، کۆمەڵ پرۆژەیەکی چاکسازییان پێشکەشی حکومەتی هەرێمی کوردستان کرد، کە لە ٢٢ خاڵ پێکهاتووە و لەم بەستەرەدا لەبەرگیراوەکەی دەخوێننەوە: http://bit.ly/f3KAJc

کەڵەشێر

کەڵەشێرە هارەکە و ئازادی

دەگێڕنەوە پیاوێک کەڵەشێرێکی دەبێت، ئەم کەڵەشێرە لەگەڵ گزنگی بەیاندا دەست دەکات بە (قوقاندن) و دەچێتە سەر دیواری ئەم ماڵ و ئەو ماڵ و دەقوقێنێت. دراوسێیەک زۆر بێزار دەبێت و دەچێت بۆ لای کابرای خاوەن کەڵەشێر، داوای لێدەکات کە کەڵەشێرەکەی سەرببڕێت و بەرامبەر بەو کارەی سێ هێندەی نرخی کەڵەشێرەکەش پارەی ئەداتێ، بە خاوەن کەڵەشێریش دەڵێت گۆشتەکەی حەڵاڵی خۆت بێت و نۆشی بکەن. کابرای خاوەن کەڵەشێر بە پێشنیاری دراوسێکەی قایل دەبێت و هەر لەبەر چاویا چەقۆ بە ملی کەڵەشێرە هارەکەدا دەهێنێت.

سەگ

له‌ ئه‌ڵمانیا ژماره‌ی سه‌گ له‌ ژماره‌ی منداڵ زیاتره‌!
 نه‌ك ته‌نها له‌به‌رئه‌وه‌ی كه‌ ئاره‌زووی خۆبه‌ستنه‌وه‌ به‌منداڵ و خێزان ناكه‌ن، به‌ڵكو له‌به‌رئه‌وه‌یشه‌ كه‌ سه‌گ وه‌ك گیاندارێك ته‌ماشا ناكه‌ن!، سه‌گ له‌لایان وه‌كو هاوڕێیه‌ك وایه‌.

ئه‌م ڕووداوه‌ی خواره‌وه‌م له‌ ڕاپۆرتێكی ته‌له‌فیزیۆنیدا بینی:

دادگا: له‌ خاوه‌نی سه‌گێك تووڕه‌بوون و، سزایان به‌سه‌ریدا سه‌پاند، چونكه‌ سه‌گه‌كه‌ی په‌لاماری منداڵێكی داوه‌ له‌ باخچه‌یه‌كدا. منداڵی بێتاوان به‌سه‌ختی بریندار بووه‌ و له‌ ژێر ئازار و ترسدا له‌ خه‌سته‌خانه‌ خه‌وتووه‌ ...

خاوه‌ن سه‌گ: بۆ سزای من ئه‌ده‌ن، سه‌ره‌ڕای كوشتنی سه‌گه‌كه‌م، من تاوانبارم؟ نه‌خێر، دایكی منداڵه‌كه‌ ئاگای له‌ منداڵی خۆی نییه‌وه‌ له‌ باخچه‌كه‌دا به‌ ته‌نها جێی ده‌هێڵێت یاری بكا ...

پۆلیس: ئێمه‌ كه‌ نزیك بووینه‌وه‌ له‌ باخچه‌كه‌ بینیمان سه‌گه‌كه‌ قه‌پاڵی گرتووه‌ له‌ شانی منداڵه‌ پێنج ساڵانه‌كه‌ و، ته‌نها ئه‌وه‌مان پێكرا كه‌ جیای بكه‌ینه‌وه‌ و به‌ فیشه‌كێك بیكوژین، چونكه‌ دڕ بوو.

دایكی منداڵ: وه‌ڵا هێشتا باقی ده‌وێت، سه‌گێكی هاری به‌ڕه‌ڵا كردووه‌ ئینجا به‌من ده‌ڵێت ئاگات له‌ منداڵه‌كه‌ت نییه‌. منداڵه‌كه‌م پێنج ساڵانه‌ له‌ باخچه‌ی به‌رماڵمان پاسكیلی لێخوڕیوه‌ كه‌ سه‌گه‌كه‌ی تۆ په‌لاماری داوه‌، دڕنده‌ ...

ژماره‌ی یه‌كه‌می بڵاوكراوه‌ی ئه‌نجومه‌نی نیشتمانی عێراقی

"webmaster"ـی ئه‌نجومه‌نی نیشتمانی عێراقی بۆ گۆڕینی كلێشه‌ی بڵاوكراوه‌كه‌یان بۆ پی دی ئێف، به‌رنامه‌ی دیمۆ به‌كار دێنێت !.

كه‌ په‌ڕگه‌كه‌ ده‌كه‌یته‌وه‌، له‌ ڕاست و چه‌پی سه‌ره‌وه‌دا دوو مۆر ده‌رده‌كه‌ون، وه‌كوو مۆری پرسیاره‌كانی تاقیكردنه‌وه‌ی به‌كه‌لۆریا وایه‌، مۆره‌كه‌ لێی نووسراوه: لێره‌ كرته‌ بكه‌ بۆ كرێنی هه‌رئێستا click to buy NOW

مانگرتن له‌ ڕۆژهه‌ڵاتی كوردستان

له‌م گۆشه‌ بچووكه‌وه‌، پشتیوانی خۆم بۆ سه‌رجه‌م كوردانی مانگرتوو له‌ ڕۆژهه‌ڵاتی كوردستان ڕاده‌گه‌یه‌نم.

حیجز

حیجز

له‌ خوارووی كوردستان به‌هۆی تێكه‌ڵبوونی كورد و عه‌ره‌ب ونه‌ته‌وه‌كانی تره‌وه‌ چه‌ندین وشه‌ی عه‌ره‌بی خزاوه‌ته‌ سه‌ر لێوی خه‌ڵكی كورد و به‌رده‌وام به‌كارده‌برێن به‌ شێوه‌یه‌ك كه‌ كه‌م كه‌س وشه‌كه‌ به‌ كوردی ده‌زانێت.. میدیاكان و كه‌ناڵه‌كانیش هه‌میشه‌ پشتیوان بوون بۆ درێژه‌كێشان و مانه‌وه‌ی ئه‌م وشه‌ عه‌ره‌بیانه‌ له‌سه‌ر زمانی خه‌ڵكی.

ئه‌مڕۆكه‌ من باس له‌ وشه‌ی حیجز ده‌كه‌م، شوكور له‌ بری فڕۆكه‌خانه‌یه‌ك دووانمان هه‌یه‌ و، خه‌ڵكی پێویسته پێشتر جێگا حیجز بكات.. له‌ پڕوپاگه‌نده‌ و بڵاوكراوه‌كاندا وشه‌ی‌ "حیجز" زۆر به‌كار ده‌برێت، دیاره‌ كورد یان وشه‌ی به‌رامبه‌ری نییه‌، یان په‌یامنێر و ڕیكلامه‌چییه‌كان نه‌یانبیستووه‌. له‌سه‌ر ئه‌م وشه‌یه‌ له‌ كۆبوونه‌وه‌ی هه‌فتانه‌ی فه‌رهه‌نگی IT دا زانستپه‌روه‌رانی كورد باسێكی لاوه‌كی له‌سه‌ر ئه‌م وشه‌یه‌ هاته‌ كایه‌وه‌، كه‌ سه‌ره‌نجام به‌ڕێز كاك "دیاكۆ كوردستانی " وشه‌ی (پێشپارێز)ـی پێشنیاركرد له‌بری "حیجز". پێشپارێز وشه‌یه‌كی لێكدراوه‌ و واتای ته‌واوی وشه‌ی "حجز"ـی عه‌ره‌بی ده‌گه‌یه‌نێت. پێش به‌واتای هه‌نگاوه‌كه‌یه‌ كه‌ پێش ڕووداوه‌كه‌ ده‌كه‌وێ، پێشتر جێگاگه‌ گیراوه‌، ئینجا گه‌شته‌كه‌ ئه‌نجام ده‌درێ.. پارێزیش به‌ واتای پارێزگاری كردن، پاراستنی جێگاكه‌.

پێداویستی دایکی داهێنانە

هه‌موو كرده‌وه‌ی زانای فه‌ڕه‌نسی "لویس پاسكال"ـمان له‌ بیره، كاتێك چاوی به باوكی كه‌وت ماندو بووه به‌ده‌ست ژماردنه‌وه‌، هات ئامرازێكی ژمێركاری دروست كرد، تاكوو باوكی له‌و دڵگرانی و ماندوبوونه ڕزگار بكات و، كاره‌كه‌ی ئاسان بكات..

پاشا و وه‌زیره‌كه‌ی

خێری پێوەیە..پاشا به‌ هاتوهاوار له‌ نوسینگه‌كه‌ی خۆی دێته‌ده‌رێ ، خێرا داوای تیماركردن ده‌كات..په‌نجه‌ی خۆی بڕیوه.

وه‌زیره‌كه‌ی پاش تیماركردنی پێی ده‌ڵێت:" گه‌وره‌م خێری پێوه‌یه‌..سه‌لامه‌تی ئینشائه‌ڵڵا". پاشا زۆر په‌ست ده‌بێت به‌ قسه‌ی وه‌زیره‌كه‌ی، ئه‌ڵێت" من په‌نجه‌م كۆڵه‌وار بووه، خێری چی، فه‌رمان ده‌دات به‌ندی بكه‌ن بۆ چه‌ند ڕۆژێك". ڕۆژی دوای ئه‌و، پاشا به‌ته‌نها به‌ره‌و دارستان ڕێده‌گرێت بۆ پیاسه‌كردن، كه‌ پێشتر هاوشانی وه‌زیره‌كه‌ی ده‌یكرد..

پارتیزان

پاداشت
به‌ڕێوبه‌رایه‌تی خزمه‌رگوزاریی..


- به‌یانیت باش گه‌وره‌م..
+ به‌یانیت باش، فه‌رمو دانیشه. كاك كه‌نعان داوات كردووه 12 ساڵی پێشمه‌رگایه‌تی و خه‌باتت بۆ بكرێت به‌ خزمه‌ت و له‌سه‌ر میلاكی حكومه‌تی هه‌رێم تۆماربكرێت..
- به‌ڵێ ڕاسته قوربان.
+ مافی ڕه‌وای خۆته‌ و ئێمه‌ له‌خزمه‌تی ئێوه‌داین، ئه‌م كه‌شه‌ی ئێستا ئێوه‌ ڕه‌خسانتان بۆ ئێمه‌. وا من ئیمزای ده‌كه‌م بیبه‌ بۆ ژووری ئه‌مدیو تا كاره‌كانی تری بۆ بكه‌ن.
- ده‌ستخۆش، ئه‌ی بۆ مه‌سه‌له‌ی زه‌وییه‌كه‌...
+ ئه‌وه‌ په‌یوه‌ندی به‌ ئێمه‌وه‌ نییه، بڕۆ بۆ به‌ڕێوبه‌رایه‌تی زه‌وی و زار..

زللــه به‌ناوبانگه‌كه‌

- چیرۆکی "گاوس"ـی بلیمەتچاوی مێژوو هه‌موو شتێك ئه‌بینێت، هه‌ندێك كه‌س ده‌لێن مێژوو زۆرداره چاوپۆشی له‌ خراپه‌كان ناكات، هه‌ندێ كه‌سیش له‌گه‌ڵ ئه‌و بیرۆكه‌یه‌دان كه‌ مێژوو ده‌سه‌ڵاتێكی نه‌به‌زیوه‌.

مێژوو خه‌رمانی گشت هه‌نگاوێكی تیا كۆبۆته‌وه‌، من باس له‌ "زللــه"یه‌ك ده‌كه‌م كه‌ له‌ مێژوو دا خۆی مه‌ڵاس داوه‌، چیرۆكی ئه‌م زلـلـه یه‌ ده‌گه‌ڕێته‌وه‌ بۆ سه‌ده‌كانی ناوه‌ڕاست؛ له‌ سه‌ده‌ی شانزه‌هه‌مدا له‌ یه‌كێك له‌ گونده‌كانی ئه‌ڵمانیا، منداڵێكی بلیمه‌ت هه‌بوو ناوی "گاوس" بوو، له‌ خوێندندا زۆر به‌توانا و زیره‌ك بوو، ناسراوبوو به‌ خێرایی و ووریایی له‌ ژماره‌كردن و ماتماتیكدا.

بڕوام بە مێژوو نیە

ماوەیەک تێدەپەڕێت لە بەندیدا، هاوڕێکانی دێنە لای و پێی دەڵێن، وا هەموو بەندکراین و ئەگەر لەسەرمان نەدەن، چەندین ساڵیش

لێرە دەمێنینەوە، ئیتر کاتی هاتووە دەست بکەیت بە نووسینەوەی مێژووی خەبات و تێکۆشانمان، تۆ پێشەوامان بوویت و سەروبنی بزوتنەوەکەمان پێ دەزانیت، هەموو پشتیوانیت دەکەین و دەیشارینەوە تا ڕووناکی دەبینێت.