پۆدکاستی چاوگ: زنجیرەی هەژدە ١٨ - ئەنتەرنێتی شتەکان

ئینتەرنێتی شتەکان IoT ڕایەڵەی ئامێر و سانسۆرەکانە، کە توانای ئاڵوگۆڕی داتا و زانیاریان هەیە لە نێوانیاندا و لەگەڵ ویستگە و شوێنی تایبەتی کە مامەڵە لەگەڵ ئەو داتایانەدا دەکەن و وەڵامیان ئەدەنەوە. وەکو نمووونەی ساردکەرەوە.

جاڤا بوو بە ٢٢ ساڵ

زمانی جاڤا ئەمڕۆ ٢٣ی مایسی ٢٠١٧ بوو بە ٢٢ ساڵ. لەوەیە لە سنووری خۆی دەرنەچم، ئەگەر بڵێم باشترین زمان لە زمانە ئاستبەرزەکانی بەرنامەداڕشتن، جاڤا بێت. 

چووستی کارکردنی بەرنامەکانی، پارێزراوی کۆد و تەنخوازییەکەی و بڵاوکردنەوە ئامرازی پەرەپێدانەکەی بە خۆڕایی، کارای گرنگبوون بۆ ڕاکێشانی سەرنجی پەرەپێدەران و کۆمپانیاو دامەزراوەکانی تەکنۆلۆجیای زانیاری. بەهۆی ئەوەی ڕێزمانەکەی لە C, و++C ەوە بنچیەنەی گرتبوو فێربوونیشی هێندە گران نەبوو.

پۆدکاستی چاوگ: زنجیرەی ١٥ - کام سیستەم شیاوە بۆت؟

ئەگەر سیستەمی کارپێکردنی کۆمپیوتەر ببێتە هۆکاری لە دەستدانی زانیارییەکانت و فەوتاندنی کات، کاردانەوەت چی دەبێ؟

گفتوگۆیەکی کراوە لە زنجیرەی پانزدەهەمی پۆدکاستی چاوگ، هەندێک ڕووی جۆراوجۆر لەم پرسە شیکراوەتەوە، هاوکات چەندین هەواڵی نوێی تەکنۆلۆجیای زانیاری و لێکدانەوەیان دەبیستیت

زنجیرەی ١٥ - کام سیستەم شیاوە بۆت؟ ستیفن هۆکینگ وەکو ئینسان

پۆدکاستی چاوگ: سەرچاوەکراوە

مەبەست لە ژێدەرکراوە (یاخود سەرچاوەکراوە) ئەو نەرمەکاڵانەیە کە سەرچاوەکانی سەربەستن و لەژێر مۆڵەتێکی پێناسەکراودا دەتوانرێت پەرەیان پێ بدرێت. کۆدی نووسراوی نەرمەکاڵاکان (source code) کە بە شێوەی دەق هەڵدەگیرێت، لە ژێدەرکراوەدا دەتوانیت هاوشانی نەرمەکاڵاکە ئەم کۆدانەشت هەبێت و دەستکارییان بکەیت و لەگەڵ خواستەکانی خۆتدا بیانگونجێنی. یاخود ببیت بە پەرەپێدەر و لە چاکسازیی نەرمەکاڵاکەدا بەشداریی بکەیت.

بۆ زانیاری زیاتر گوێ لە زنجیرەی 14 پۆدکاستی چاووگ بگرە...

https://soundcloud.com/chawgpodcast/ellqei14

هەروەها بڕوانە: گنو

پۆدکاستی چاوگ: پاراستنی پۆستی ئەلیکترۆنی و بابەتی جۆراوجۆری تر

ئایا ئیمەیلەکانت بە کلیلکراوی ڕەوانە دەکەیت و پاشەکەوت دەکەیت؟

توێژینەوەکان لە وڵاتی ئەڵمانیا دەریان خستووە کە ١٦%ی بەکارهێنەران لە ئەڵمانیا ئیمەیلەکانیان نهێم دەکەن و کلیلی ئەدەن تاکوو تەنیا نێرەر و کەسی وەرگر بتوانن بیخوێننەوە. بۆ زانیاریی زۆرتر گوێ لە زنجیرەی ١٣ی پۆدکاستی چاوگ بگرە

پۆدکاستی چاوگ: یونیکۆد و گرنگی لە ئێستا و داهاتووی ڕێنوس و زماندا

یەکبوونمان لەسەر نووسەکان و نواندنیان لەسەر کۆمپیوتەردا بایەخی زۆری هەیە بۆ داهاتووی زمانی کوردی لە ئینتەرنێت و کۆمپیوتەریشدا بە گشتی.

لێدوانێکی چڕ و پڕ لەسەر ئەو بابەتە و نواندنی زمانی کوردی لە زنجیرەی یانزدەهەمی چاوگ دەبیستن.

لێرەوە گوێبیستی زنجیرەی یانزدەهەم بە.

بەڕاست (دۆت نێت .Net) چیە؟

تەکنۆلۆجیا بەردەوام لە پێشکەوتندایە، ئەوە شتێکی نوێ نیە، مایکرۆسۆفتیش بەردەوام لە داهێنان و گۆڕینی بەرهەمەکانیدایە، ئەمەش سەر سوڕهێنەر نیە، خۆ ئەگەر هەر بەرهەمێکی پینەی نەوێ، بۆخۆی ئەیمرێنێ و دانەیەکی نوێی دەخاتە شوێن.

پەیامی وێنە - ١

وێنە: ڕووکاری ماڵپەڕی ئاوێنە لەسەر وێبگەڕی IE

 

شیتەڵکردن: بەهۆی دەستکاریی کردن یان نوێکردنەوەی بەشێک لە ستایڵی وێبگەکە بۆی هەیە چەند خولەکێک تاکو گۆڕینەکان دەچەسپێن، شێواز (ستایڵ style) لەبری ئەوەی باشتر ببێ، تێک دەچێ. لەم وێنەیەدا، پەڕگەی ستایڵ نەدۆزراوەتەوە، لەسەر وێبگەڕی تریش وەکو فایەرفۆکس، هەمان شت بوو.

بیرەتەکنیکیەکانم - هاوینی ٢٠١٦

 

لە (ڕۆبۆکەپ RoboCup)ی ئەمساڵدا، ڕۆبۆتەکان وتیان مادەم ناوبژیوان مرۆڤە گۆڵناکەین. بەهۆی (برئیکسیت Brexit)ـەوە، ڤۆدافۆن دەیەوێت بنکەی سەرەکی لە بەریتانیا بگوێزێتەوە، کە حاڵی حازر ١٣٠٠٠ کارمەندی لەو وڵاتە هەیە.

هەنگاونان بۆ چاکسازی لەڕێی دیجیتاڵکردنەوە - ١ -

پێشەکیەک

کارکردن بێ کۆمپیوتەر لە گۆڤاری توێشووی
زانستخوازانەوە

لە ڕابردوودا چەند جارێک باسی دیجیتاڵکردنی وەزارەتی دارایی و دانانی سیستەمێکی ئەلیکترۆنی بۆ هەموو مووچەخۆران و خەرجییەکانی حکوومەتی هەرێمی کوردستانم کردوە لەگەڵ کارمەندانی فەرمانگەی ئایتی، لەگەڵ وەزارەتی دارایی و لەگەڵ هاوڕێیانی "زکورد" دا بە گشتی [١]. ئارەزووم بوو ڕۆژێک دەزگایەکی گرنگیی وەکوو دارایی بکرێت بە سیستەمێکی خۆکار کە مانگانە بێ ماندوبوونی زۆر، کاغەزی داهات و خەرجیەکانی ئەدایتێ و مووچەخۆریش لە ڕۆژی خۆیدا بە مووچەکەی دەگەیشت.



کەشتییەکان نقوم بوون

کەشتییەکان بە ئاسانی نقوم بوون

(بەرنامەداڕشتن)

زۆر جار کچەکەم بە خۆی و ئامرازێکی یاریکردنەوە لەبەردەممدا دەوەستا، ئەیوت: "بابە کەی تەواو ئەبی، وەرە با یاری بکەین"، زۆر جاریش لە لامەوە خەوی لێ دەکەوت و منیش هێشتا لەسەر مێزی کۆمپیوتەرەکەم تەقەم دەهات. ڕۆژێک پرسیاری کرد: "ئەوە تۆ چی ئەکەی، بۆ ئەوەندە حەزت لە کۆمپیوتەرە؟".

وەڵامی ئەو پرسیارە ئاسان نەبوو، چونکە بیری ئەو هێندە فراوان نەبوو لەوە بگا کە بژێوی ژیانمان بەم کۆمپیوتەرە پەیدا دەبێت، ئەو شەونخونی و دانیشتنە زۆرە، بۆ کات بە فیڕۆدان و یاری کردن نییە بەڵکو بۆ دەستکەوتنی پارەیە. وتم: "من بەرنامە دروست دەکەم و دەیفرۆشم بە پارە، پارەکەیشی ئەدەین بە
خواردن و یاری و جلی جوان بۆ تۆ".

زاراوەکانی کۆمپیوتەر

لە ماوەی داهاتوودا کتێبی (پێناسە و ڕاڤەی زاراوەکانی کۆمپیوتەر) لە چاپ دەدرێت، ئەم کتێبە بە قەبارەی (A5) ئامادە کراوە کە ٥٢٠ لاپەڕەیە. تیایدا ١٩٠٠ زاراوەم پێناسە کردووە. لە پاشکۆدا چەند بابەتێکم تیا بڵاوکردووەتەوە کە پێشتر لە ڕۆژنامە و گۆڤارەکاندا بڵاوم کردبوونەوە و لەبەر بایەخی بابەتەکان لەو کتێبەشدا دامناونەتەوە.

وام دانابوو کتێبەکە سەرەتای پاییزی ٢٠١١ لەچاپ بدرێت، بەڵام لەو کاتەشدا فەرهەنگی تەکنۆلۆجیای زانستپەروەرانی کورد - چاپی دووەمی بڵاوبووەوە، لەبەرئەوە حەزم کرد ئەو لە بازاڕدا کۆن ببێت پاشان ئەوەی من ڕووناکی ببینێت.

چایخانەی زانستی

لەو وڵاتەی ئێمەدا زانست چارەی گران نییە، هەموو خەڵکی وێڵن بەدوای بەرهەمی نوێی تەکنەلۆجیا، لەگەڵ ئەوەی کە کارەبا چەند کاژمێرێک هەیە، خەڵکی پارە زۆر ئەدەن بە ئامێرە نوێیەکانی گەیاندن و ئامێرەکانی ناوماڵ. بەیانی مۆدێلێکی تەلەفیزیۆن، پلەی ستەیشن یا جلشۆرێک بێتە بازاڕ، دوو بەیانی نەماوە. ئێ ئەگەر چاولێکەری و خۆ دەرخستنیش بێ، هەر پارەی تێ دەچێت. 

هەر کە قوتابخانەی تایبەتی دروست کرا، هێندەی نەخایاند کە هەموو شوێنەکان پڕ بووەوە، مانگانەکەیشیان کەم نییە، ئەمەش نیشانەیەکی ترە بۆ خواستی خەڵکی بۆ فێربوونی نەوەکانیان، بێگومان ئەم نەوانە کە بە نوێترین تەکنیک و ئاکاری نوێ پەروەردە دەکرێن وفێر دەبن، گورزێکی توندە بۆ دواڕۆژی نەتەوەکە و سەرمایەیەکی پڕ بەهایە. بەڵگە زۆرن، ئەگەر ژماری بکەین کۆتایی نایەت، هەمووی ئارەزووی خەڵکی بۆ وەرگرتنی نوێترین و باشتر نیشان ئەدەن. لەگەڵ ئەوەشدا ئەگەر بەراوردی بکەین بە بوارەکانی تر، زانست و خەڵکی زانستی ون و نامۆن. نابینی دەستەیەکی زانستی خانەیەکیان هەبێ، یا کاریگەریی تەواویان لەسەر کۆمەڵگا هەبێ، یا کەسانی زانستیی لە ڕاگەیاندنەکانەوە دەربکەون، یا حکومەت دوو کەسی زانستیی خەڵات بکا..یا و یا ...

گۆڤاری توێشووی زانستخوازان

توێشووی زانستخوازان 

هەندێکجار لاپەڕەکانی ڕابردوو یادەوەری خۆشیان هەیە، پێم خۆشە ئێوەیش تەماشایەکی ئەم لاپەڕانە بکەن، ژمارە چواری گۆڤاری توێشووی زانستخوازان.

یانزدە ساڵ پێش ئێستا و لە ڕۆژێکی وەکو ئەمڕۆدا ئەم گۆڤارەم بۆ دواجار چاپ کرد.

ژمارە چوار - توێشووی زانستخوازان

فۆڕماتی کۆمپیوتەر

٭فۆڕمات

تازه‌ كۆمپیوته‌رم كڕیبوو، ته‌نها ئه‌وه‌ شاره‌زابووم كه‌ كاری پێبكه‌م و خۆم به‌یارییه‌كانی ناو ویندۆز خه‌ریك بكه‌م. هه‌ر كه‌س بهاتایه‌ بۆ ماڵمان و شاره‌زایی هه‌بوایه‌

داوام لێده‌كرد ده‌ستێكی پیا بهێنێت. ڕۆژێك له‌كاتی یاریكردنمدا كاره‌با بڕا، به‌یانی كۆمپیوته‌ر كاری نه‌ده‌كرده‌وه‌، شاشه‌یه‌كی شین ده‌رده‌كه‌وت و ده‌وه‌ستا، پشته‌كه‌یم كرده‌وه‌ و وایه‌ر و شته‌كانیم جووڵاند هیچ نه‌گۆڕا ...

چووم بۆ دوكانێك پرسیارم كرد، وتم كارێكی وا ڕویداوه‌ بۆم چار ده‌كه‌ن. وتیان به‌سیطه‌، بیهێنه‌ فۆڕماتی ده‌كه‌ین و چاك ده‌بێته‌وه‌.

نه‌مده‌زانی ئه‌م "فۆڕماته‌" چییه‌، پێشیان نه‌وتم بۆچی وای لێهاتووه‌. بۆیان چاك كردمه‌وه‌. ماوه‌یه‌كی تر هه‌مان ده‌رد تووشم بۆوه‌ و، منیش برده‌مه‌وه‌ بۆلای كابرا. وام ده‌زانی وه‌كوو فیته‌ری ئۆتۆمبیل شتێكیان تیا ده‌ستكاریی كردووه‌ تاكوو زوو زوو بچمه‌وه‌ بۆلایان.