بیرە تەکنیکیەکانم

بیرە تەکنیکیەکانی ساڵی کۆڤید و دیجیتاڵکردن

ئێوارەیەک حەمە لە کەنەداوە تەلفۆنی کرد لە ڤایبەرە حەیاتەکەوە، وتی وەرە نۆکاو دەخۆین! وتم چۆن، نۆکاویش بووە بە دیجیتاڵ؟

برادەرێکی ئایتی هێندە پرۆژەی دەستپێکردووە و تەواوی نەکردووە ناویان لێناوە حکوومەت.

زۆرکردنی زمانی کوردی لە وەرگێڕانی گوگل

لە سەرەتای مانگی ئایاری ٢٠٢٢ دا هەواڵێکی خۆش دڵی هەموومانی پڕ کرد. ئەویش زۆرکردنی زمانی کوردی - سۆرانی بوو لە وەرگێڕانی گوگلدا.

لێرەوە جێی خۆیەتی کە دەست خۆشی لە هەموو ئەوانە بکەم، کە وەکو سەربازی ون، ماوەیەکی درێژ کۆششیان کردووە و بێوچان تاکو ئەم پرۆژەیە بەو ئاستە بگەیەنن.

داهێنان لە بەردەوامی خەیاڵەکاندا - ١

 ئاینشتاین: خۆم بە هونەرمەندێکی تەواو دادەنێم، کە لە دەریای خەیاڵەکانمدا دەریاوان بم، خەیاڵ زۆر گرنترە لە زانین. زانین سنووردارە، بەڵام خەیاڵ هەموو دونیات دەگێڕێت.[١]

ویکیپیدیا بوو بە بیست ساڵ

ویکیپیدیا زانیاریینامەیەكی كراوەیە، تیایدا بەچەندین زمان زانیارییەكان پێشكەش بە سەردانكەران دەكات، هەموو كارێكی دان و وەرگرتنی زانیاریی تیایدا خۆبەخشانەیە. ئامانجی ویكیپیدیا پێكهێنانی زانیاریینامەیەكی فراوانە "کۆکردنەوەی ھەموو زانیارییەکانی مرۆڤ" كە بە زۆربەی زمانەكانی جیهان بابەتی لەخۆ گرتبێت، سەرەنجام بە ھەوڵێکی ھاوبەش زانستنامەیەکی ئازاد و خۆڕا‌ پێک بهێنرێت. ویكیپیدیا لەلایەن دامەزراوەیەكی خێرخوا (WikiMedia) سەرپەرشتی دەكرێت[١]، کە لە ٢٠٠٣ دا بە فەرمی ڕێکخراوێکی بۆ دامەزرا.

بیرەتەکنیکیەکانم

خۆپیشاندانی پاییزی کۆرۆنا

یوتیوب خەریکی سڕینەوەی درۆ و پڕوپاگەندەکانی ترەمپە، کە لە هەڵبژاردنەکاندا بڵاوی کردونەتەوە. حەمە دەیوت ئاخۆ موسووڵمانێک نیە درۆکانی #طوووط بشارێتەوە لە ڕایەڵەدا؟

هەرکات ئەپڵ دەستکاریی پاراستنی بەکارهێنەران دەکا، وەتسئەپ و پێڕەکەی کێچ دەکەوێتە کەوڵیان، دەڵێن ناشکە لە خۆی بەشکە.

هەنگاونان بۆ چاکسازی لەڕێی دیجیتاڵکردنەوە - ٢ -

 ئەگەر سیستەمێکی پڕ هەڵە و ناڕێک بکەیت بە دیجیتاڵ، ئەوا سەرەنجام سیستەمێکی بێکەڵکی دیجیتاڵت دەست دەکەوێت. هیچ کاتێک ئەلیکترۆنیکردنی سیستەمێک پاکتاوی نەخشان و ناوەڕۆکی کردەکان ناکا.

بەگەڕخستنی تەکنۆلۆجیا لەپێناو سەرخستنی خوێندن

پەککەوتنی ڕەوتی خوێندن بەهۆی فایرۆسی کۆڤید-١٩ لەسەرتاسەری جیهان پەستانێکی نوێی لەسەر تەکنۆلۆجیا دروست کرد، کە ڕێگەی نوێ و ئاسانکاریی تەکنیکی بۆ

ببە بەو دایکە یان ببە بەو باوکە - بەشی دووەم

لەوەیە بڵێی ژیان و کلتووری ئێمە زۆر جیاوازە لەو نموونە زیندوانەی باسکران، بەڵام بیرت نەچێ تۆ مرۆڤیت و بە دەسەڵاتترین زیندەوەری سەر زەویت، ئەوەی تۆکۆششی بۆ دەکەیت زۆرکات دێتە بەرهەم.

ببە بەو دایکە یا ئەو باوکە - بەشی یەکەم

زۆر کات ناوەکان جیاکەرەوەی ماناکانیشن. تۆ کاتێک بە کەسێک دەڵێیت دایکە، چونکە سیفەتی دایکایەتی تیا دەبینیت.
هەموو دایکێک حەز و ئاواتی ئەوەیە منداڵەکانی سەرکەوتوو دڵشاد ببینێ، لە پێناو ئەو ئاواتەشیدا زۆر ناڕەحەتی دەچێژێ.

بیرەتەکنیکیەکانم

هاوینی کۆرۆنا لە ٢٠٢٠

ترەمپ دەیەوێت بەزۆر مایکرۆسۆفت ئەپلیکەیشنی تیکتۆک بکڕێتەوە لە کۆمپانیا چینیەکە، تاکو داتا و شتەکانی لە پێناو پاراستنی نیشتمانیی و هاووڵاتیانی ئەمەریکادا بخرێتە گەڕ.

دواڕۆژی ئایتی و هەلی کار

لە گۆڤاری ھەفتەنامەی کۆمپیوتەر[١] دا بەدواداچوونێک لەسەر ھەلی کاری پیشەی ئایتی لە ساڵی ٢٠٢٠ و بەدواوە کرابوو.

ئاکامەکانی بەدواداچوونەکە لەسەر ھۆکار و گەشەسەندنی ئینتەرنێت و پێداویستی بازاڕ گرێدراوە.

داتاکان چۆن دەبنە نەوت - ٦

لە سەردەمی کۆرۆنا دا، کە ماوەیەک جووڵەی بازرگانی و پیشەسازی، لەسەرتاسەری جیهاندا کز بوو و لەزۆر شوێن بگرە وەستا، نرخی نەوت و لێکەوتەکانی زۆر دابەزی[١]، بە ڕادەیەک ئەوانەی بۆ هەفتە و مانگەکانی داهاتوو پێشتر داوای بڕێکی زۆریانکردبوو، نەیاندەزانی ئەوەی کە ئەمبارکراوە چی لێ بکەن.

داتاکان چۆن دەبنە نەوت - ٥

لیترێک نەوتی خاو لە هەر شوێنێکی دونیا بێ، هەر لیترە نەوتەکەیە و هەمان کێش. لەوپەڕی دونیا لە بەڕازیل، لە مەکسیک، لە سۆدان، لە نەرویژ و لە نیوزلەندا و شوێنەکانی تر نەوتی خاو نرخێکی نزیکەیی هەیە. دوای ئەوە ئەو نەوتە کرداری لەسەر دەکرێت و دەبێت بە ماددەی تر کە لە بەشێوەی جیا جیا سوودی لێ دەبینرێ. بە کورتی، بازاڕی نەوت نرخێکی دیاریکراوی بە نەوت داوە[١]، کە هەموو جیهان مامەڵەی لەگەڵدا دەکات.

پشووی هاوین پێشمەرگەبووم

باوکم زۆرکات ئەیوت: "دەستمان سپیە، سنعاتێک نازانین، ئێستا بۆ ئەم دۆخە هەر سنعاتکار باشە، ئەوەتا سێ مانگ جارێ مووچە ئەدەن ئەویش یەک لەسەر سێ بەشی. واتە بە یەک ساڵ دوو مووچەی جاران وەرگرم".

ئەگەر ئەمانە تەواوبوونایە

لێپرسینەوە و چاودێریی تەنیا بە دانانی لیژنە و هەبوونی یاسا تەواوکاری نابێت، بەڵکو دادیش دەبێت سەروەر بێ لە لێپێچینەوە و کەمتەرخەم سزا بدا. ئەگەر گوێ نەدرا بە نەخشە و هەنگاوی دوای جێبەجێبوونی پرۆژەکان، ئەوا بۆی هەیە پرۆژەکان لەگەڵ تەواوبوونیان مردار ببنەوە و هیچ بایەخێکیان نەمێنێت.

خوێندنی سەرهێڵ لە سەردەمی کۆرۆنادا

ڤایرۆسێک ڕووی کردووەتە مرۆڤایەتی کە تاکو ئەمڕۆ ئاکارەکانی تەواو ناسراو نین. چەندین توێژینەوە و باسی جۆراوجۆر بۆ پێکوتە و چارەسەری هاتووەتە بەرباس،

پووشە خورماکە

ساڵی ١٩٩٣ کاتێک سەددام ڕەتی کردەوە چاودێرەکان بچنە پشکنینی دەزگا و تاقیگەکانی کە ماددەی کیمیاویان بەرهەم دەهێنا، سەرۆکی ئەوکاتی ئەمەریکا، بیڵ کلینتۆن بڕیاری هێرشکردنە سەر ئەو شوێنانەی دەرکرد. ئێوارەیەک پاش ڕۆژێکی ئاسایی زانکۆ کە هیچ باس و خواستێک لە ئارادا نەبوو.

داتاکان چۆن دەبنە نەوت - ٤

* داتاکان چۆن دەگوازرێنەوە
ناوزەندکردنی داتاکان بە نەوت لە سەدەی ٢١هەمدا، هەوڵێکە بۆ دەرخستنی گرنگی داتا و زانیارییەکان. نەوت لێرەدا نەک تەنیا وەکو سەرچاوەیەکی وزە، بەڵکو نەوت وەکو مادەیەکی خاو کە نەتوانرێت بە ئاسانی لە زۆر بواردا دەستی لێ هەڵبگیرێت. لەم بەراوردەوە داتاکان تەواو ئەو گرنگی و ڕۆڵەی نەوت وەردەگرن.