بیرە تەکنیکیەکانم

ئازاری ٢٠١٣

لە سلێمانی وتیان (شین بۆ هەریسەکە) لە ئایتیشا پەیدابووە. زەلامێکیم ناسی وتی هاکەرزم و ئەتوانم فەیسبووکی خەڵک بشکێنم.
دکتۆرێکی زانکۆ لە مێژوودا وتی ئیمەیل و کۆمپیوتەر هەر نازانم بکەمەوە، حەمە وتی ناحەقی مەگرە خۆ لە مێژووی دێرینا شتی وا پێویست نەبووە، بەس من نەمزانی دکتۆراکەی لای چ خۆشنووسێک هۆنیەوە؟.

لە پەندەکانی پیرەمێرد

٢٦ی ئاب - ١٩٤٨

کارشوناس گەڕا لە شوێنی دانا
لە شوێنی نەزان هات دانای دانا
ئەو دەمەی پیاویان لە دار ئەتاشی
ئیشیان نە ئەدا بە کەسی ناشی
دارتاشێ لەناو کاروانێکا بوو
بۆ سنعەتی خۆی بۆ لادێ ئەچوو
جەردە هات لە ڕێ کاروانی ڕوت کرد
لە خوا نەترسێ تەشوێی ئەوی برد

لەیەکگەیشتن

بەسەرت هاتووە پرسیاری شتێک بکەیت و شتێکی ترت وەڵام بدەنەوە؟
دیقەتم داوە لەم وڵاتە هەموو واین، پرسی شتێک بکەن، ئێمە شتێکی تر وەڵام  ئەدەینەوە.. مامۆستا سەردار هەموو جارێک لە سەرەتای تاقیکردنەوەکان پێی دەوتین، "فهم السٶال نصف الجواب" - لە پرسیار تێگەیشتن نیوەی وەڵامە. ئینجا یا ئەوەتا ئێمە باش گوێ ناگرین، یان ئەوەتا لە پرسیارەکە ناگەین. خۆ هەموو بە یەک زمان قسە دەکەین!

                       (١)
سواری تەکسیەک بووم و دەرگام داخست، شۆفێرەکە دەنگی ڕادیۆکەی بەرزکردەوە..
- ئەو گۆرانیەت پێ خۆشە وا دەنگی بڵند دەکەیت؟
+ ئەوە ڕادیۆی بزوتنەوەیە...

بیرە تەکنیکیەکانم

ئۆکتۆبەری ٢٠١٢

دوو کارمەندم بینی لە فەرمانگەیەک، لەسەر ماڵپەڕی ئەزموون خاڵ زۆریان دەکرد، ئەوەی نمرەی دە قوتابی زیرەکی بۆ دەرچوایە براوەبوو.

حەمە وتی ماڵپەڕی لڤین پرێس ئەنووسێ هۆکاری مەسەلەکەمان لایە، کە بابەتەکە دەخوێنیتەوە، نوسراوە هۆکارەکە نەزانراوە.
لەڕێگەی ئینتەرنێتەوە ویستمان تەماشای شەقامەکانی ئەودیو ماڵەوە بکەین، کامێراکان هەمووی دیمەنی ڕەشیان نیشان ئەیا، تومەس لە خۆڵبارینەکەی مانگی شەشەوە کەس پاکی نەکردبووەوە.

بەشێک لە پەڕتووکی زاراوەکانی کۆمپیوتەر

مانگی ٦ی ٢٠١٢ پەڕتووکی (پێناسە و ڕاڤەی زاراوەکانی کۆمپیوتەر) لە شاری هەولێر لە چاپ درا، وەکو لەسەر پەڕەی ناوەوەی پەڕتووکەکەدا نووسراوە کە لەسەر پەڕەی کوردچاپ، بە ئەلیکترۆنی دادەنرێت، کە بەداخەوە ئەو ماڵپەڕە جارێ داخراوە.

من بەشێکم کرد بە (PDF) و لێرە دامناوە. چەند بەشێکی لە چاپدا کاڵ دەرکەوتووە، گلەیش زۆر کرا لەو ڕووەوە، هەوڵ ئەدەم لە داهاتوودا جۆرەپیت بگۆڕم و گەورەتر و ئەستووری بکەم، بۆ ئەوەی پیتەکان جوان دەربکەون.

بیرەتەکنیکیەکانم

ئەیلولی ٢٠١٢  - لە دوکانێکی چاک کردنەوەی کۆمپیوتەر، کاغەزێک نرابوو بە کۆمپیوتەرێکەوە لێی نووسرابوو: "بە تەڵاقم فۆڕماتی ناکەنەوە".
بە هەڵۆیەکم وت خەتی ئینتەرنێتەکەتان دزی تیا کراو، گوێی خۆی لێ کەڕ کرد. لە ڕانیەوە وەڵامیان نارد، ئەو (سیریاڵ نەمبەرەی) لەناو کتێبی خوێندندا دانراوە بۆ دامەزراندنی ویندۆزی ئێکس پی، ئیش ناکا و بە هەڵە کۆپی کراوە.
ڕۆژنامەنووسێک لە دیواری فەیسبووکەکەی نووسیبو: "لەمەودوا کاری ڕۆژنامەوانی ناکەم و ئەبم بە هاکەر".

بیرەتەکنیکیەکانم

ئابی ٢٠١٢ - لە پروپۆزەڵێکی وەزارەتدا نوسرابوو دەبێت سۆفتوەیرەکە بە دۆتنێت و ڤیژواڵ بەیسک بکرێ، کەچی کۆی گشتی خەرجی خەمڵێنراو، لە نرخی لایسنزی (SQL server)ەکە بە تەنیا، کەمتر بوو. حەمە سوێندی خوارد یەک دەفتەر دۆلاری بۆ دروست کردنی هەژمارێکی فەیسبووک  لە خواپێداوێک وەرگرتووە. وێبماستەرێک دەنگی بەرزکردبووەوە ئەیوت سۆرس کۆد ئەبێت (PHP)بێ بەس لەسەر سێرڤەری مایکرۆسۆفت ویندۆز، ئەگینا سەقەتە.

چارەسەری کێشەکە

زۆرجار گوێمان لە ناونیشانی کۆڕ و کۆبوونەوە دەبێت، کە بۆ چارەسەری کێشەیەکی دیاریکراو دەگیرێت، هەندێک لەو کێشانە ئاڵۆزن و هەناسەی قووڵ و شیکاری درێژخایەنی دەوێت، هەندێکیشیان بێ زەمینە ساز کردن و ئامادەکاریی هەل و مەرجی جێگیر کردنی شیکارەکە، گرێکانی لە خۆیانەوە دەکرێنەوە و هەر دوای کۆبوونەوەکە هەموو لایەک دەرگای باسەکەی دادەخەن و کۆتایی دێت.

حکوومەتی خێرخوا

گەڕەکی ئێمە میللی بوو، لە نێوان دراوسێکاندا هاتوچۆ و سەردانی یەکتر زۆربوو، لە گەڕەکدا ماڵێک هەبوو، پێچەوانەی ئەم دەستوورە، هاتوچۆی کەسیان نەدەکرد، پەیوەندییان لەگەڵ دراوسێکاندا کەم بوو ، ئێمەش کە تۆپتۆپێنمان دەکرد، زۆر خەممان دەخوارد کە تۆپەکە نەکەوێتە ئەو ماڵەوە، چونکە تا هەفتەیەک نەمان دەبینییەوە، خۆ دەرگایان لە کەس نەدەکردەوە، حەمە ئەیوت زەنگی دەرگاکەیان بەس دیکۆرە.

کەشتییەکان نقوم بوون

کەشتییەکان بە ئاسانی نقوم بوون

(بەرنامەداڕشتن)

زۆر جار کچەکەم بە خۆی و ئامرازێکی یاریکردنەوە لەبەردەممدا دەوەستا، ئەیوت: "بابە کەی تەواو ئەبی، وەرە با یاری بکەین"، زۆر جاریش لە لامەوە خەوی لێ دەکەوت و منیش هێشتا لەسەر مێزی کۆمپیوتەرەکەم تەقەم دەهات. ڕۆژێک پرسیاری کرد: "ئەوە تۆ چی ئەکەی، بۆ ئەوەندە حەزت لە کۆمپیوتەرە؟".

وەڵامی ئەو پرسیارە ئاسان نەبوو، چونکە بیری ئەو هێندە فراوان نەبوو لەوە بگا کە بژێوی ژیانمان بەم کۆمپیوتەرە پەیدا دەبێت، ئەو شەونخونی و دانیشتنە زۆرە، بۆ کات بە فیڕۆدان و یاری کردن نییە بەڵکو بۆ دەستکەوتنی پارەیە. وتم: "من بەرنامە دروست دەکەم و دەیفرۆشم بە پارە، پارەکەیشی ئەدەین بە
خواردن و یاری و جلی جوان بۆ تۆ".

نەورۆز

ئاهەنگی نەورۆز ٢٠-٣-٢٠١٢ لە شاری نوێرنبێرگ
وێنە لە ناوەندی کوردی وەرگیراوە

نەورۆزتان پیرۆز

ساڵی نوێی کوردی ٢٧١٢ لە هەموو کوردێک پیرۆز بێت!

ئەم ڕۆژی ساڵی تازەیە نەورۆز ھاتەوە 

جەژنێکی کۆنی کوردە بە خۆشی و بە ھاتەوە

چەند ساڵ گوڵی ھیوای ئێمە پێ‌پەست بوو تاکو پار
ھەر خوێنی لاوەکان بوو گوڵی ئاڵی نەوبەھار

ئەو ڕەنگە سوورە بوو کە لە ئاسۆی بڵندی کورد
مژدەی بەیانی بۆ گەلی دوور و نزیک ئەبرد

نەورۆز بوو ئاگرێکی وەھای خستە جەرگەوە 
لاوان بە عەشق ئەچوون بە بەرەو پیری مەرگەوە

ئەوا ڕۆژھەڵات، لە بەندەنی بەرزی وڵاتەوە 
خوێنی شەھیدە ڕەنگی شەفەق شەوق ئەداتەوە

تا ئێستە ڕووی نەداوە لە تاریخی میللەتا 
قەڵغانی گولـلە سنگی کچان بێ لە ھەڵمەتا

پێی ناوێ بۆ شەھیدی وەتەن شیوەن و گرین 
نامرن ئەوانە وا لە دڵی میللەتا ئەژین 

پیرەمێرد - ئازاری ١٩٤٨

-> سروودی نەورۆز بە دەنگی حەمە ساڵح دیلان

هەڵەبجە

سەری ڕێز و نەوازش بۆ گیانی پاکی شەهیدانی هەڵەبجە

ئەمڕۆ ١٦ی ئازاری ٢٠١٢، ٢٤ ساڵ تێپەڕ دەبێت بەسەر کارەساتی کیمیابارانەکەی هەڵەبجەدا. ئەم یادە ناسۆرە، بە زیندووی لە دڵی نەوەکانی ئەمڕۆ و دواڕۆژی نەتەوەکەمدا دەمێنێتەوە. وێنە و فیلمەکان جەرگ بڕن، تا ئێستاش کە وێنەیەک دەبینم، قیژە و هاواری ئەو خەڵکە دێتەوە گوێم.

بەداخەوە.

کوردینە، میوانانی ئەم وێبگەیە، بە بیرتان دێنمەوە، لەو دەمەدا وڵاتانی ئیسلامی عەرەبی، وڵاتانی ڕۆژئاوا بە ئەمەریکا و ڕووسیاوە،

زاراوەکانی کۆمپیوتەر

لە ماوەی داهاتوودا کتێبی (پێناسە و ڕاڤەی زاراوەکانی کۆمپیوتەر) لە چاپ دەدرێت، ئەم کتێبە بە قەبارەی (A5) ئامادە کراوە کە ٥٢٠ لاپەڕەیە. تیایدا ١٩٠٠ زاراوەم پێناسە کردووە. لە پاشکۆدا چەند بابەتێکم تیا بڵاوکردووەتەوە کە پێشتر لە ڕۆژنامە و گۆڤارەکاندا بڵاوم کردبوونەوە و لەبەر بایەخی بابەتەکان لەو کتێبەشدا دامناونەتەوە.

وام دانابوو کتێبەکە سەرەتای پاییزی ٢٠١١ لەچاپ بدرێت، بەڵام لەو کاتەشدا فەرهەنگی تەکنۆلۆجیای زانستپەروەرانی کورد - چاپی دووەمی بڵاوبووەوە، لەبەرئەوە حەزم کرد ئەو لە بازاڕدا کۆن ببێت پاشان ئەوەی من ڕووناکی ببینێت.

چایخانەی زانستی

لەو وڵاتەی ئێمەدا زانست چارەی گران نییە، هەموو خەڵکی وێڵن بەدوای بەرهەمی نوێی تەکنەلۆجیا، لەگەڵ ئەوەی کە کارەبا چەند کاژمێرێک هەیە، خەڵکی پارە زۆر ئەدەن بە ئامێرە نوێیەکانی گەیاندن و ئامێرەکانی ناوماڵ. بەیانی مۆدێلێکی تەلەفیزیۆن، پلەی ستەیشن یا جلشۆرێک بێتە بازاڕ، دوو بەیانی نەماوە. ئێ ئەگەر چاولێکەری و خۆ دەرخستنیش بێ، هەر پارەی تێ دەچێت. 

هەر کە قوتابخانەی تایبەتی دروست کرا، هێندەی نەخایاند کە هەموو شوێنەکان پڕ بووەوە، مانگانەکەیشیان کەم نییە، ئەمەش نیشانەیەکی ترە بۆ خواستی خەڵکی بۆ فێربوونی نەوەکانیان، بێگومان ئەم نەوانە کە بە نوێترین تەکنیک و ئاکاری نوێ پەروەردە دەکرێن وفێر دەبن، گورزێکی توندە بۆ دواڕۆژی نەتەوەکە و سەرمایەیەکی پڕ بەهایە. بەڵگە زۆرن، ئەگەر ژماری بکەین کۆتایی نایەت، هەمووی ئارەزووی خەڵکی بۆ وەرگرتنی نوێترین و باشتر نیشان ئەدەن. لەگەڵ ئەوەشدا ئەگەر بەراوردی بکەین بە بوارەکانی تر، زانست و خەڵکی زانستی ون و نامۆن. نابینی دەستەیەکی زانستی خانەیەکیان هەبێ، یا کاریگەریی تەواویان لەسەر کۆمەڵگا هەبێ، یا کەسانی زانستیی لە ڕاگەیاندنەکانەوە دەربکەون، یا حکومەت دوو کەسی زانستیی خەڵات بکا..یا و یا ...

یەکێتی ئازادی سۆشیالیستی

وحدة حرية إشتراکية
ئەوانە دروشمەکانی حیزبی بەعسن، ئەو حیزبەی بوو بە شێرپەنجەی ئێراق و نە یەکێتی (وحدة) و نە ئازادی (حرية) و نە سۆشیالیستیمان (إشتراکية) نەبینی لێی، بە پێچەوانەوە، هاووڵاتیانی کرد بە دوژمنی یەکتر، ئەوەی دژی ئەو بوایە لەناوی دەبرد، سامانی وڵاتی قۆرخ کردبوو و ئەو هاووڵاتییانەی لە حیزبی ئەو نەبوونایە پلە دوو و پلە سێ بوون، نە دادەمەزران و نە ئاوڕیان لێ ئەدرایەوە.

ڕۆژێک سەدام لە پێشانگایەکی هونەریدا، چاوی بە وێنەیەک کەوت (لەوەی کە دانراوە).. زۆر تووڕە دەبێت، ڕیزێک جوێن دەدات و دەڵێت:

نوێنەرتان کێیە؟

لە گەڕەکی ئێمە ئەنجومەن هەیە، ئەوان نوێنەری ئەم گەڕەکەن، کە بمانەوێ داخوازییەک بەرز بکەینەوە بۆ شارەوانی، ئەیدەینە دەست ئەوان. حکومەت لەمە زۆر ڕازییە، چونکە ئیتر کەس ناچێتە سەر شەقامەکان و کەسیش سەری ناشکێت بە دارلاستیکی هەڵمات. دوو نوێنەر دەچن و لەوسەرەوە بەکۆمەڵێک بەڵێنەوە دێنەوە.

لەم ڕۆژانە حەمە زوو هاتەوە ماڵ و کتێبەکانی دانا، وتم چییە زوو هاتویتەتەوە، دەرسی وێنەتان هەیە؟ وتی نە، خۆپیشاندانە خۆپیشاندان. تەسبیحەکەم هەڵگرت و منیش دوای کەوتم. هۆڕنی سەیارە ڕۆژە ڕێیەک دەڕۆیشت، لەوە دەچوو ئەمڕۆ مەکتەب لەسەر ئەم شەقامە دەوام بکەن، هەموو هاواریان دەکرد، نامانەوێ..

فانوسی سیحری

ئەگەر پرست لێ بکەن چیت دەوێت بۆت دەکەین، بەس فرمان بدە، ئەوا چ خواستێکت دەبێت؟
لەوانەیە؛ داوای پارە و خانوو و بڕوانامە و شتی ڕابواردن بکەیت، ئەوەش بێگومان شتێکی زۆرچاکە و کێ خوا ئەیداتێ هیچ نەبێت ماوەیەک ڕابوێرێت و هەموو خواستەکانی بێنە دی. 

ئەگەر هات و بڵێن تەنیا یەک خواستت هەیە چی داوا دەکەیت؟
هەیە هەر دەڵێت پارە، بەس خۆ دەوڵەمەندیش زۆرن کە ناتوانن جەوازی سەفەرت بە ڕۆژێک بۆ دەربکەن،

یاسا سەروەرە

سەروەرەیی یاسا لە کوردستان
لە زانکۆ بووم نوکتەیەک زۆر باوی هەبوو لەسەر خەڵکی موسڵ (موسڵاوی)، نوکتەکە باسی لە ترسنۆکی و ڕەزیلی ئەوخەڵکە دەکرد، دەڵێ: کوڕێکی موسڵاوی، لەوانەی خۆی بە کوێخا ڕینگۆ ناگۆڕێتەوە (شەقاوە)، پیاسە دەکا، سەیارەیەک دەوەستێ لایەوە. لە سەیارەکەوە پێی دەڵێن سەرکەوە. کوڕە دەڵێ: ئینجا بۆ بترسم، چەقۆ و بۆکس خەنجەرم لە گیرفانە، سەردەکەوێ. سەیارە ئەڕوا بۆ ناوچەی غابات، ئەڵێن دابەزە، ئەویش دەڵێ ئینجا چییە، چەقۆ و بۆکس خەنجەرم لە گیرفانە، لەوێ ڕووتی دەکەنە و ئەویش دەڵێ ئینجا چییە، چەقۆ و بۆکس خەنجەرم لە گیرفانە، حەسیر مەیانی دەکەن، ئەڵێ چەقۆ و بۆکس خەنجەرم پێیە...

دانانی زانکۆ

پرۆژەی دانانی زانکۆ

ئەگەر بتەوێ دەوڵەمەند بیت، ڕێگە زۆرە، بەڵام ئەگەر بتەوێت دەوڵەمەندیش بیت و ناویش پەیدا بکەی ئەوا ڕێگەکان تەسک دەبنەوە و هەموو کەسێکی پیا ناچێت.
پرۆژەی دامەزراندن یا دانانی زانکۆیەک لە هەرێمی کوردستان یەکێکە لەو پرۆژە نوێیانەی کە هاوشانی دروست کردنی گوندی نیشتەجێبوون هاتووەتە کایەوە. وا لە خوارەوە بە کورتی باسی دەکەم، سا ئەگەر پارەت هەیە و حەز دەکەیت، وەرە پێکەوە دەیکەین.
زانکۆیەکی ئەهلی، ساڵی ٥٠٠٠ دۆلار لە خوێنکار وەردەگرێ، تەنها ٥٠٠ خوێندکارت هەبێ واتە، ٢،٥ملیۆن داهاتە، پارەی بینا و مامۆستا و پێداویستییەکانی تر لە ١،٥ملیۆن تێپەڕ ناکات و هەم پێداویستی کۆمەڵگات دابین کرد، کە زانکۆیە، هەم پێداویستی گیرفانی خۆشت کە ملیۆنێک دۆلارە لە وەرزێکی خوێندندا.

ژووری عەمەلیات

ژووری عەمەلیات
زۆرکات کە ئەو برگەیەم گوێ لێ دەبێت، تەمسیلی هەڵەی دکتۆرم دێتەوە یاد، خۆ ناوەکەش لە بنەڕەتدا بەو مەبەستە کوردێنراوە. ژووری عەمەلیات وەک شاریعی کوردی وایە، ئەمیان کوردی پیا تێپەڕ دەبێت و ئەویان کورد تیا کۆ دەبنەوە بۆ عەمەلیات. لە خەستەخانە یا لە مەقەڕی حیزب و حوکومەتدا، عەمەلیاتەکان ئەوەڵ و ئاخیر هەر جەستەی مرۆڤەکان دەگرێتەوە، بۆ نموونە وەزیری پێشمەرگە ژووری عەمەلیاتی هەیە، لەوێوە فەرمانەکانی ئاراستە دەکات و هەواڵە گەرماوگەرمەکان تاوتوێ دەکا، یا لیژنەی بەدواداچوون ژووری عەمەلیات بۆ ڕێوشوێنی لێکۆڵینەوە دادەنێن و قەراری کۆتایی تیا بەیان دەکا. ژووری عەمەلیاتی دادوەریشمان هەیە، لێپرسینەوە لە خەڵکی بێ پەنا و یاساشکێنی تیا دەکرێ.

زمانی کوردی لە ناونیشانی هەواڵەکاندا

ناونیشانی هەواڵەکان

تەماشای نووسینی کوردی بکە، هەندێک جار ڕۆژنامەنووس و پەیامنێری کورد، داهێنان دەکەن:

(وەکو خۆیان ڕوونووسم کردون و دامناون)

سبەی: ده‌ست به‌ سه‌رۆك وه‌زیرانى ئوردون كێشرایه‌وه‌ - ١٧ ئۆکتۆبەر ٢٠١١

ئاوێنە: رونكردنه‌وه‌یه‌كی له‌ سایتی ئاوێنه‌وه‌ - ١٦ ئۆکتۆبەر ٢٠١١

دیکۆمێنت

دیکۆمێنت و یاساکانی پەرلەمان
(یاسای ڕۆژنامەگەری)

من زمانزان نیم، زۆربەی نووسینەکانیشم هەڵەی ڕێزمانییان تێدایە، ئەگەرچی هەوڵی زۆر دەدەم لەسەر ئەو ڕێنوێنییانەی کاک دیاکۆ هاشمی[١] بڕۆم. لەوەیە من زۆر بنووسم، بەڵام نووسین پیشەی من نییە، هەمیشە گلەیی لە نووسەر و ڕۆژنامەنووسانیش دەکەم[٢]، کە ئەوان پیشەیانە ڕۆژانە دەخوێننەوە و دەنووسن، کەچی هەڵەی زمانەوانی زۆر زۆر لە دەقەکانیاندا بەدی دەکرێت.
دیارە بنووس و چاودێرانی زمانەوانی لە پەرلەمانی کوردستانیش لەو بازنەی هەڵە کردنە بە دوور نەبوون، ئێمە گەر لە وانەکانی زمانی کوردیدا هەڵەمان هەبێ[٣] و ڕاست نەکرێنەوە، کێ گوێ ئەداتە ڕێزمانی ڕێسا و یاساکانی پەرلەمان؟، کە لەوانەیە خودی ئەو کەسانەی یاساکە دەیان گرێتەوە، چاویان پێ نەکەوتبێ. نموونەی ئەو هەڵانەش زۆرن، تەماشای یاساکانی پەرلەمان بکە و هەڵەدۆزیان بکە، من لەوانە یاسای ڕۆژنامەگەریم تەماشا کرد، تا بزانم کە شتێکم نووسی دەبێ ئاگاداری چی بم.
لەم یاسایەدا، وشەی "بە پێی" بە ٣ شێوە تیا نووسراوە: (بەپێی، بە پێی، بەپێ ی)[٤]، ئینجا وشەی بەڵگەنامە (دۆکیومێنت document)ی ئینگلیزی کورداندوە بە دیکۆمێنت، هەر هیچ نەبوایە با دۆکیومێنتەکە بێت، خۆ نە سەلیقەی زمانی کوردی کردویە بە دیکۆ... و نە لاتینیش وا دەخوێنرێتەوە. جگە لەوە، سەیرم پێ دێ، کە وشەی کوردی بە وشەی بیانی بەهێز دەکەن؛

حەز لە پەرلەمانتاری دەکەیت

پەرلەمانتار

ماوەیەک بوو پەرلەمان و پەرلەمانتار تیشکۆی هەواڵەکان بوون، هەموو ڕۆژێ هەڵدەستاین چاوەڕێ بووین پەرلەمان بڕیاری نوێی پێ بێ، زۆرکات کە تەماشای هەواڵە بیانییەکانم دەکرد، بە دیقەتەوە گوێم لە هەواڵی گفتوگۆی پەرلەمانتاران و هەواڵی پەرلەمانی وڵاتانیش ئەگرت، خاڵی لەیەکچوون زۆر بوون لە نێوان ئەوەی کوردستان و ئەوانەی وڵاتاندا. تەنانەت لە باسی مووچەی خۆیان و دەوام کردن و پشووشدا لەیەکچوون هەبوو. یا لە گرفت و داڕشتنەوەی یاسای هاووڵاتیانا. دەمویست بزانم پەرلەمانتار لای خەڵکی کورد چۆن تەماشا دەکرێ، ئایا هەر قسەی ڕۆژنامە و تەلەفیزیۆنە یا هەر خودی پەرلەمانتار وەکو نوێنەری خەڵک، پیشەیەکی سانا نییە و ڕێسای ئاڵۆزی هەیە و هەموو لێی حاڵی نابین...

شوێن یەکێ لە شارەکانی کوردستان، ناوبازاڕ / پرسیاری من لە خەڵک؛ ئارەزووت لە پیشەی پەرلەمانتار هەیە؟ ئەگەر بخوازی، بۆ ئەبیت بە پەرلەمانتار؟
* گەنجێک: معاشی باشە و ئیشەکەشیان ئاسانە، بەس پەنجە بەرز دەکەنەوە، پێویستیش ناکا خۆت بیر بکەیتەوە، لە پشتەوە حیزب هەموو شتێکیان بۆ حازر ئەکا.

* تازە بووک و زاوایەک: وەڵا کاکە حەزمان ئەکرد لە دوبەی مانگی هەنگوینی بەسەر بەرین، بەس نە جەواز نە ڤیزە، هەردوکی ئاسان نییە بۆ ئێمە، ئا بۆ ئەوە حەزم ئەکرد پەرلەمانتاربوایام.
- کەواتە پێت وایە پەرلەمانتار کاری بۆ ئاسان دەکرێ؟
+ ئەی حەتمەن، هەموو پشووەکانیان لە دەرەوە بەسەر ئەبەن،

منیش هەم

مرۆڤ ناتوانێ ئاراستەی با بگۆڕێ، بەڵام دەتوانێ چارۆکەکەی بەشێوەیەک هەڵکا کە بە ئامانجی خۆی بگەیەنێت.

ژیانی پێغەمبەران پڕە لە وانە و ڕێنوێنی بۆ ئێمەی دوای ئەوان، هەر بۆیە پەروەردگار لە قورئاندا چیرۆکی ڕووداوەکانی ژیانیانمان بە درێژی بۆ دەگێڕێتەوە[١]. ئەوانەی ڕەزامەندی خواشیان ویستوە، گوێڕایەڵ بوون و ژیانی پێشینەکان بوون بە پەند بۆیان، ڕێبازی ئەوانیان کردوە بە ئامۆژگا[٢]. یەکێ لەو پێغەمبەرانەی کە پەروەردگار چیرۆکی ژیانیمان بۆ باس دەکات و بە باشترین چیرۆک ناوی دەبات[٣]، چیرۆکی پێغەمبەر (یوسف)ە، سڵاوی خوای لێ بێت. کاتێک بێ تاوانی یوسف ئاشکرا دەبێت و پاشای میسر پێی دەڵێ: "ئەمڕۆ ئیتر بەڕاستی تۆ لای ئێمە خاوەنی پلە و جێگەی متمانە و باوەڕی"[٤]، پاشان یوسفیش لە وەڵامیدا دەڵێ:" پێم باشە بمکەیت بە لێپرسراو بەسەر گەنجینەکان و سامانی سەر زەوی ئەم وڵاتە. لەخۆم ڕادەبینم کە شت بپارێزم و زاناشم کە چۆن دەیپارێزم."[٥]

بەرنامەداڕشتن

وەرگێڕ

ئەمڕۆ لە پێشبڕکێیەک بەشداربووم، تاقیکردنەوەی وەرگێڕی زمانەکانی (c, c#, c++, java)، بەرنامەی بچووک دانرابوو، پرسیارەکان ئەمانە بوون؛ ئایا وەرگێڕ هەڵە ئەدات (Error)، ئاگاداری ئەدات (Warning)، یان ئەڵێ کۆدەکەت تەواوە؟؟.

کاتی خۆی کە تاقیکارییەکانم نووسی لە زانستپەروەرانی کورد، ئەگەڕام بۆ شتی سانا و  ورد کە زۆرکات بەرنامەداڕێژ گوێی پێ نادات. ئەمڕۆش هاوشێوەی ئەوانە هاتبوونەوە، لەوانەی بیرم ماون، ئەم کۆدە بە (++C)

پشووی هاوین لە لیژنەدا بووم

کات ئێوارە بوو، نان ئامادە و سفرە ڕاخراو هەموو دانیشتین و باوکم بیسمیلای کرد و هەموو بەدوایا دەستمان بە خواردن کرد. لەو ساتەدا، یەکێ لە دەرگای دا، دایکم وتی هەرکەسێکە فەرمووی لێ بکە و بابێ بۆ نانخواردن، بەختی خۆی. چووم دەرگام کردەوە، کابرایەکی دراوسێمان بوو، کاک جەلال، داوای باوکمی کرد، وتم نان دەخوا و فەرمووم لێکرد، بە شڵەژاوییەوە وتی وەختی نان خواردنم نیە، کە باوکت تەواو بوو با بێ، دەست بۆ سەر سووچی کۆڵانەکە ڕاکێشا، لە دوورەوە دوو سێ پیاوی تر دیاربوون، وتی کەسێک بە ئوتۆمبێلەکەم خۆی کێشاوە بە عەمودی تەلفۆنەکەیا...

کامیان (ASP.Net) یا (PHP)

زۆرکات ئەم پرسیارەم بینیوە لە مەکۆکانی (چاوگ، وێبچن، کوردئایتی گرووپ) دا. بە پێی شارەزایی خۆم لەو ڕووەوە، لە خوارەوە وەڵامێکی کورتم نووسیوە. ئەگەرچی پێموایە کە ئاسانی و شارەزایی دوو کاران لە خوی فێرخوازەوە دێن و دوورە لە تواناکانی (ASP.Net) یا (PHP).

هەمیشە فێرخواز دەبێت ئامانجەکەی لە پێش چاوی بێت، هەیە دەڵێ بۆ زانکۆیە و بەس دەرچم تەواو، هەیە ئارەزووی هەیە و خواستێتی هونەر بنوێنێت، هەیشمانە بۆ بازرگانییەتی و کامیان زوو هاتنە دەست و بازاڕی هەبوو ئەوە ئامانجە و بڕایەوە.

ئاو و ئاگر

ئاگر کڵپەی سەند و هەموو وشکانی گڕ تێبەردا، کاتێک ئاو هات زیندەوەران ڕزگار بکات و ئاگر بکوژێنێتەوە، ئاگر هاواری کرد:

"هۆ خەڵکینە ئاگادارن ئاو دەیەوێت بتانخنکێنێت، هۆ خەڵکینە ئاو هاتووە زەوی باووباپیرانتان لێ بستێنێت!."

ئاو گوێی نەدا و بە هانای سووتاوانەوە  بوو، ساردی دەکردنەوە پێی دەوتن:"دڵنیا بن ئێوە هەبن، ئەم خاک و نیشتمانەش بۆ ئێوە دەمێنێت، من لە باوەشتان دەنێم تا دەتوانم، من وشک بم نابێ ئێوە بسوتێنرێن."